¹ Ogo Koita bauge oti magi mati au gamuhe ia, di uhu mage riaga uhurahe - beat da avahu, eduge iai bouge unuhu ra ga riaga dibana - ² ga riaga ni uhurahe ma u oti behibehi. ³ Mage mage mati mage iai gasina, ni Rohi Bauge , ni mame mati Iesu Keriso au moe riaga mati au mageve uhurahe. ⁴ Daka hegiri rahoherea daki vima, ai gamuhe be ra ga riaga uhurahe ogima, ga aena oramu di Rohi Bauge noki manu. ⁵ E daine daki a kiroma magi - beta ga aena isage daki ai gasina maemima, eduge iyaga kobabe o ganai noki manu - no bebe mage gahigeisa. ⁶ Magera , no ma Rohi Bauge ga aena va ogisa. Ga aena ora ganai no ihare ia ganiva noma ga eige noma ogisa. ⁷ Avanage Koita ya bina vata ada o ioaima, iauka roia Iesu Keriso ra beta koita goinu. Ora avanage gahaia. ⁸ Iama ia iavahu erageisa, ia negu no ni bouge iagamemane soganu, ge iama mage toboke misa. ⁹ A unuhu nomuakahe otima eduge Keriso ga aena ihihi veite, aka Rohi Baugera veitera ai gasina. ¹⁰ A koita be ia gasina, ga avanage o ruta magegaha. ¹¹ Aunuhu magegaha aka au daureve uhurahe tage uma. ¹² Da iaga dadaga ai gasina maemare eduge daka ga ora beta idivaka gani maemima. Eduge, daka iai gasina orogi ia bebe ruta ga visa, ge ai uhurera mage goisa. ¹³ Ai amakine gamuhe ia, ia mage gahi geima.