¹ Lae korava mi'ina eku vupu nu arau rokoai, mo ekioko keia oparai monou rokoai. Omu iaki oko ima'.miki li'inameki. ² Iruku ainava pea, mane ainava pea, iara liaiapea. Ai kava akuru rokoa mo, omu uriria miki kopai imai arana'a rokoai. ³ Ene ko pina miki ou para i rokoai rokonavei, lae korava ima mo eriao, mo viria lipi ovara mou, aivara iaki, okakani, kukunu, i'ima i;ima mo mari mari rokoa. Onomo lipi nu rokoa miki rokonave. Rokoa laruai lae lari akinanavako ene e'e monou. ⁴ Ai kava ou pani miki ima ovara miki Eloi, ene oika nu Mai'i mo umu A'a uriria miki eiai iki linave. ⁵ Ima nu iaki ma liepea, ai kava ua iakave ima mere ou liana kinia no'orea oparai evere kinave,mo Avaea Ia'a evopo ainave. ⁶ Ei Eloi, ovara miki a oraka nave ere oparai, Keriso Iesu laruai. ⁷ U ima mere ene uriria miki Eloi ovara miki nu laruai Kaia pairi ima lae koravai. ⁸ Ou aiai omoro u miki-miki omoro u. Nalae miki nia ei ima nu laruai miki,miki ikiriai. Ovake A'a u koana Eloi miki eane, ou A'a u, ulae korava nu ima mere u iaki ima lia kana. ⁹ Ou eiai kani miki pirinakei, nikiei omoro. Ni ou mere A'a ekiakana mo omu lipi mere oro rokoa ima lae korava kana. ¹⁰ Lipi lia A'a omoro okine, lipi aira miki palimokiei, kava vupu omoro pani le'ere voa okine. U a pani aira ma liano ou A'a u okine, ou vupu ue'e monou akuru linamoki. ¹¹ Ou para A'a u ima lariou, kava u lipi lae ri'ina mo lipi a u maika lia kana ¹³ Iaki A'a mo kaeoko okanave, oro ane enavai; Zenes, Lawyar mo Apollos, oro ane enavai, ovake oro pei mo ama avea ka,apea. ¹⁴ Ene A'a uriria noro aneai navai nu rokoa kari kine, imai maika aka navai monou iki. Iaki kiripai arana rokoma. ¹⁵ Naia ne rokoa iki uriria miki naia oiviria kopai omoro; kopai mi'ina eku a'a u koana enei umu lia iki uriria miki pirima rokoai Eloi nu vapara ima noro kiripai.