Rupi velena na Gaius ulamagi genai, kamonaigai aulamaigana tauna. Aulamagimuna taumu, au geku atotali goi tauniparamu pene nama e gau maparae pia raka gele gele goi gemu, Palaumu vetaina. Ganina au averere gaukavagina ita walakavara ge wogomaito, goi gemu maguli tauna tauna valina gema piato, kamonaigai omagulina vetaina. Au maverere taai avererena akamonagina au natuku kamonaigai golakana aonai. Aulamagimuna taumu, rakau okalato walakava e tau polu gia goina maveraramanimuna okalaeto, goi gemu ulamagi ovaragi varaigato rupu taua maparae wulaai. Gia laka lakaai ovega laka veganamaeto kolema namae Palau aonai, kwalana ia woara pakunai ia gelakatina, muli muli taua giai gauta ati gegaipato. Gauai ita ekala vetaia patara gapi ragea, ganina ita Palau gena inagulu tauai pita mia. Au gauta ataolato rupu taua gia, na Diotrephes, gau ekune kunena tauna, ia ati eririwato ai pene gapi ragemai. Gauai pene au pana wati genai, gena kala pakuai ia pana kea pana vaikila wokila kila rakavae ati gania ekilagi ato aiata maiai pakunai. Ati egelegelena pe, ita tarirakika ati egapi rageato, e raia ia ia gapi ragea taua maki eroaeto e rupuna maki etu atiato. ¹¹ Aulamagimuna taumu, kala rakavana ragai pono kala totoa na kala namana pono kala totoa. Nama ekalana tauna ia Palau gena, Palau rogotina ere gita tauna ia kala rakavae ekalagiana tauna. ¹² Demetrius ia tau maparaena gerevevega golokaiga, vetainai kamonagina maki. Na ita totaurana maki takilaigato, e goripana takilaigato gauna ia taunatauna. ¹³ Au gau kamuvagi para taloa goi geumai, na auna ati aririwana talotaloimo pana taloa. ¹⁴ Na au aveaoleana loana ati pene rau goi pana gitamu e goi e au pita vegupu vegupu. ¹⁵ Maino gomi geimai pene mia. Gatarana gomi gerawalimina. Nenai ita gatara pua rawalia ara vetaiai.