¹ Ewaugana tariago, gema pua atotali, ganina Palau gena kila pene vevaragi veleke veleke e pene vevega rage gomina gokalana vetaina, ² pua atotali ai kala rakavae e mukuna taulimalimae aoana pene vaipiatimai, kwalana ati tau maparae magia kamonagi. ³ Na Velekou gena kila ati evega keotana, ia goi pene vega rua kikilagimu e pene gitatagomu rakava tauna genana. ⁴ Velekou aonai ai gomi roula geimai magema veraramani, gomi gavaikilamina kilae go kalaena e mupua kala vetiliua. ⁵ Velekouna gomi kutoumi pene vai roriroria Keriso gena ulamagi e gena rua vaigauka aonai ⁶ Velekou Iesu Keriso aranai, aina gomi gavaikilamina, walakava ta lepeti magulinai emagulina e emaguli kolemana ai gemana go gaipana pene ati e maguliaigana genai pono koela. ⁷ Kwalana gomi totaumi ripami vealeva, vekala toto magulina ma rorirori vegata, gomi aoimai gamagulito ai ati karoverave taua gia maguliai gamagulito. ⁸ Ai tauta gana ganigani magoina gauna aina ati ga gani kawato. Na ai gainagulu goto pogi e lagani vekwalavi e tiliga viti aoai, kwalana ai gomi gemi metau metau ai ragai pae mia. ⁹ Ai evetainai gakalato wo ati ai ati magema tiau gauai. Na, ai evetaina gakalato gomi geimai pae vevega gita vanagi gauai, ne gomina ai pua kalatotomai. ¹⁰ Ai gomia laganinai, aina gomi gavaikilamito, "rai ati eririwana pene inagulu tauna ia ragai pene ganigani". ¹¹ Kwalana ita takamonagina reketa ega ita aorai gemagulina ia ati geririwana inagulu e taulimalima gia maguilai gekilakau gaukavagina. ¹² Ewaugana evetaia taua, aina pae vaikilae e pae vega tiligae Velekou Iesu Keriso aonai, pia inagulu gari e totaua pia vegita tago. ¹³ Na walakavaago, goi kala namae okalagiana kutoumuna ragai pene veageoa. ¹⁴ Ne pene tauta aina kilakila etalotalo rorinai ati pene maguli genai, pono gita kaua ne ragai pono kalagi koua, ia nuana pono vega raega gauai. ¹⁵ Na ia goi gemu vekuku taunai ragai pono tuamagi veina, na vewalawalai pono kila vegaripa ¹⁶ Ewaugana, maino Velena na raupara maparae aoai maino ene venimi gorae maparaparavagia aoai. Velekou gomi maparami aoimai. ¹⁷ E au Paul, geku verawali kilana, au gimakuna, talotalo maparae aoai avega ilana.Ega natalo tiwana. ¹⁸ Velekou Iesu Keriso gena vetua gomi maparami ataimai pene mia. Amen.