¹ Awa awa Galatia aumui! Mui navuamui riana eovorao? Mui maamui aiai rai Iesu Keriso evevagigo ragei eve satauro ole. ² Egaumo wauna mui elemuina aririwani anaripa: Veaa Palauna muina gorawaliao rova ulavununa thaona na pa goamonagiao gauna vevauna auna nanai? ³ Mui awa awa pa? Mauli Veaa Palauna thaona na gomama thao, evana auniparai igo vagavu vagia pa? ⁴ Gauri vogo vagi ipo go vi vi agi awawa rao pa-pene waveaina noai ganina pa? ⁵ Veaa Palauna evenimuini e vevakalilea alari evawala rana thaomuiai, rova ulavunuri thaorana pa amonagi veva auna aunai? ⁶ Abraham veaina ''Palau eva auna aunao alathakwa thakwai eilagiao,'' ⁷ Veainamo pigo uamagiulu, veva aunaauna auri wara ila Abraham nauna. ⁸ Eve alo auo, pe ia thaoa Palauna vevaavua auri pene ole vathakwa ri veva auna auna thaona na, vali namana ewapaa agi thalo thaloa Abraham elenai neiwao, ''Goi thaomuna alimapara maparana vevanama pene rawalia. '' ⁹ Pe, riari veva aunaauna thaonai gemaulini ila ge namani, ila Abraham ila eva nama koukou rana repana ia veva aunaauna auna. ¹⁰ Riari rova ulavunu na thaonai geve raramani nia, ila iavu meauna apuna kapulenai gealuo; repana eve alo auo, ''Riari ila rova pukanai geve alo gauri noai geva gelerana namu gemauli agirana.'' ¹¹ Evana magai vagi, Palau vila nai auapua rovana peene ole vethalevatha, repana ''Thakwa thakwa auri ila wara veva aunaaunai pige mauli.'' ¹² Namu rova ia nori veva aunaauna, (faith) ''Rova ulavununa eulavunu agiani auna ia rova pene mauli agia.'' ¹³ Keriso na ia rova gena venavua ovo(curse of the law) thaona na eva maulirao, ia gavurai ia erua oao-repana eve alo auo, ''Gau upuai egigoni ia raava pene rawalia'' - ¹⁴ pe Abraham gena veva nama pene veamai vevaavua auri elerai Iesu Keriso thaonai, pe veva aunaauna thaonai Veaa Palauna gena ilagavu pe rawaliria ripa. ¹⁵ Wala avakuo, aunilimalima karorai anakaro. Auapua na ilagavu apua eoleani rova thaonai auana peene ole muligia pa gau waua mapeene ole aua. ¹⁶ Evana ilagavu ri wara Abraham e kalakalana elerai eolerao. Ia nee ilaiwani ''kalakalari,'' elerai waganini auri ia vogo, namu apuna vagi, ''goi kalakalamu elenai,'' auna Keriso. ¹⁷ Thauna gau ailagiani gauna era: Rova eve amaiorigolo inavu vaivai e kapana oioi mulirai, thaonai Palauna ilagavu rauvagi evarua emiawai. ¹⁸ Gaurai pene enama rova thaona na eveamini neni, ia nori ilagavu thaona na eveamini. Namu Palauna Abraham eveniao ilagavu ai. ¹⁹ Pe ma raagau, evanamo, rova ganina raagau? rova eveoleo ganina thoa awa awa pakunai, pene thao Abraham kalakala na eilagavu agiao auna pene veamai. Rova aneru thaorana geoleoao thori gelegele auna apuna thaona na. ²⁰ Ethori gelegele auri ia vogo, namu Palau wara apuna mo. ²¹ Pe rovana Palau gena ilagavu ekalani pa? Auna auna vagi noaia. Pene rova apua eveoleo gauna na mauli pere veveni agia neni, thakwa thakwa maulina wara rovana pere veamai. ²² Namu Palau gena thorina na gau maparari galama kapulenai evatipura rana. Palau eala iwao repana, eilagavuo iana pene vamauliri veva aunaaunai Iesu Keriso thaonai aunilimalima riamo. ²³ Veva aunaauna reeveamai thaonai, ia rovana eligorao, atipurao pene thao vevaauna auna pene vevamagai. ²⁴ Pe wa oranai rova ia gera veiama auna pene thao Keriso eveamaio, pe ia vevaauna auna na pene luvari. ²⁵ Namu evana veva aunaauna eveamaio, ia nori veiama auna iavuna kapulenai. ²⁶ Mui maparamui Palau nauna veva aunaaunai Iesu Keriso thaonai. ²⁷ Mui vogo vagi papasito iavuna gogapiao Keriso thaonai mui Keriso gena rapuai gove rapuao. ²⁸ Lewana mui Jew o Greek, vele geria goulavunu nia pa noai, vavine o maluanemui maparamui apuna vagi Iesu Keriso thaonai. ²⁹ Pene mui Keriso gena,mui Abraham kalakalana e melo vele gena ilagavu gelegele nai.