¹ Thau veleparana Gaius, gemu pauua aulamagimuni auna aunai. ² Geku ulamagi aumu, gemu aveni vuavuani pe, goi pono nama e pono iliga, palaumu eiligani veaina. ³ Thau averele gaua vagio, ia wala avari gemi kwarao valimu namana gemi ilagiao, aunaauna oilagi lovolovoani veainai othoa auni. ⁴ Thau ma verele apua naa verele agiani, namu thau nauku aunaaunai gethoa ni verelena elekuai ekamu iwavagini. ⁵ geku ulamagi aumu, amonagi guguluna vagi omauli agiani, vewala ava vairi geria oulavunu nia,e au wari wari alaveniri poripatha ⁶ Gemu ulamagi geiathani ekalesia auri vilarai. Geria thoai ogapi u vethalevarana Palau na pere gapi uri veaina, ⁷ repana ethara pakunai gethoa raio, vevaa vua elerana gau waua noai getouao. ⁸ Wagauri pakurai eveairi auri pe vai rageri pe, ia pe ulavunu koukou auna auna pakunai. ⁹ Thauna ekalesia oleana, aaloveniao namu Diotrephes, namu ia maauna eve ilagini iamo iwavagi, gaurai nee gapi rage mai. ¹⁰ Gaurai pene thau pana veamai, thauna ia pana gogoa, pana ripa ia raaga ealani, thai eilagi raava maini moirai eilagimaini. Nori wagaumo, wala ava nee vai ragerao, namu iana mai ma vairana pige vai rageri auri, evaila wairao e rupuna eole rai thao. ¹¹ Geku ulamagi aumui, raava pigono ala ovo ovoa namu,nama pigo mauli agia. Mauli nama emauli agiani ia Palau gena auri; raava emauli agiani auna ia Palau nee ripathani. ¹² Demetrius ia Palau au ilagi lovolovona ewalao, auna aunai. Ia maina Palau ilagi lovolovona auri pe, ia gera inaina wara aunaauna. ¹³ Gauri vogo vagi para alo veni mui, namu naa ririwani aloalo ai pana alo venimui. ¹⁴ Namu thau auamagini peverawali, pevealu vila agi thaonai pethori thori. ¹⁵ Maino goi thaamuai pene mia.Ia auavarana geva namamunia. Thai tharamaiai nanai ia auavari gemai veva nama pono veniri.