1 Paulo mo timote, ioka iesu nu aivara'a, eloi nu iaki a'a uriria ioka iesu laruai koa oro pilipi'i, maikalia a'ane mo diakonoane. 2 Ai ima niau mo airu eloi au mere ene mai mo eloi ioks iesu. 3 Na eiae oka'a na eloi na pani uriria lae kora'a noro, 4 Pani uriria, na noki urira u noro eiai, na noki lima keia na kopai miki ane 5 uku nomu kripai ia'a omoro laruai pina miki pani mere aneliviai eai. 6 Nai na lae venea pei uriria laruai, ou u koana iaki ima koama kaiki'i u ama oailia ka'apea u enavaka'a eiei'i enaliviai ioka iesu nu lare'e. 7 U naiau ima lia ei oparai ipa liai nomu uriria eiai uku noro na umu laruai.Nomu uriria naiane iaki monou iki'i lia iki ima mo kipura marai mo na vara leia rokoa laruai miki ai'i navai Eloi nu uru kaea ena vai. 8 Uku amua u na inamu a'a,rokoma keia noro eai umu airu miki ane ioka Iesu laruai. 9 Ei vake u na nanuku:ou voanu miki ni umu avikiaviki moane moane evera laruai mo omaro parea mia ka'a. 10 Voa miki vake ni miki ea ka'a mo akuru mo mu'u mo ama mia ka'a pea enariviai ioka Iesu nu anea pani'i, 11 evopo kia ka'a rokoa anana nu uru imane ioka Iesu au mere anea ka'a u evao evao ane mo Eloi avioia ka'a 12 Eai na ni ipa nikiai lae ria,ovake airavake,naiau evere kie voa u a'a varo ima miki'i ou pai ekave Eloi nu uru ima laua enavai'i 13 lie voa nu ima,na eve ariane noane ioka Iesu au mere parea laruai iki'i aia ere'e ou marea ovara maika lie oroau mo a'a uriria oroau. 14 Aira oro varomo lae venea amane makoane eni'i mie amua laruai uku na eve ari ane no'o paua,mo oro lae venea kore eria miki'i omoro kuruai. 15 A'a varomo oro ioka Iesu omu iruku mo lae lari'i ane kuru oie, mo a'a varomo ima ne avioie. 16 Kaupu varomo oko umu miki ipa lima keie uku u kukunu oka kani'i Eloi nu uru laua enavai. 17 Ai pina a'a oro ioka Iesu manipu oparai,avioie lae kekepane apea.Oro ei voa lae korave nai ei uaikava ka'a kipura mareai eve ke ari ke noane pokoi ane. 18 Li oia? Oka uriria laruai-lae korava ima vake o lipi vake-ioka Iesu kuru oie, mo ei okai na eke imane rokoa .E'e, mo eke imane, 19 uku na ipa oka ima mo au okua ka'a nomu noki mere mo avaena paioka ima ioka Iesu eiai. 20 Ei vake u na lae miki maika lima keia mo lae kora'a ou na oka moe na makiri ama miaka'apea, 21