¹ Avo eto nango humbere inono ae ehei, horemborora, akari re nango athens ai toaro nangoha meheti ora. ² Eto Timothy, nango ta enjo eto maha pemi ta pure ari embo, ivo eto jamu-jamu humbuto pambuhaja. ³ Avo eto ningo meme ufova ami, mane jajavati uja.Nango kora, pure avo ara ue nango re arekarira. ⁴ Ke be ,ningoka mihie ke hihi ehere ingikarava angato meme hafara, ke ara amo ehei be aja. ⁵ Avo eto namo humbene inono ehei kito, ningota humora avo keti ue hien pambuhaja. Embo samuna ami engekehei, nangota pure be mane ena. ⁶ Rate Timothy vuvuaja ningota eto, amo ningota humora ari eto tunga humbari ta pine akari ingikarara.Nangota akari avo horembeova, eto nango keti uje ova, angato nango ningo keti uje ora. ⁷ Avo eto enjo tafo, nango jamo jamo ufora, ningo ta humora ari avo eto, rate nango meme jo ai mehera. ⁸ Eha nango hurieto mehera, Meni Pemi amita jo ai. ⁹ Eto ningo avo embo, Maha Pemi ta pekari mo avunu avo hiore, nangota hanana maha pemi ta thiri ai mo? ¹⁰ Nango mume eto iji te pari surumane ora, ningo ta tiri pe kiae ehera angato, ningota humora ari avo aro ivo aja ue. ¹¹ Nangota Maha Pemi, eto amita meni Pemi ami kururuo ningo keti ora. ¹² Maha Pemi ta tunga humbari pajito nango ka meheti uja, ningo mine ara ue, eto embo-meni betapata amika. Nango ningo tunga ufora angato. ¹³ Ningota jo komo au ivo be ati uja, otofu be, eto tokono ambu, maha pemi ta tiri ai. Iji amikote Meni Iesu vuvureti uja, tofota pure embo betapata amika.