1
Paul, Ieusu Keriso da jibura, nameji Timoti de ami Pilimon, da yai, nato kare otawo dave be, edo buro embo.
2
Ae Apphila natokare ru de da, ae Archippus nato kare duduno embo, daedo ge be ari enembo,ito mando da doregedo era ainde.
3
Tonebari ae begade, God mamo natokare ae Bada Ieusu Keriso de da.
4
Na iji berari nato nato God ategedo edo ena, na anto pari da imo dao edo ena.
5
Na ingena ito dubo bari, ae ge be ari de, Bada Ieusu da daoda, ge be ari embo berari awa embo.
6
Na pari tena, ito dada ari de ae rorae berari dave ainde, awa Ieusu da daoda.
7
Na yawa bajina be eite, dubo dave ena, ito dubo bari ami, ainda be gebe ari embo, da do teka esira, nameji inemi.
8
Awa tedo, nato tatainbari awa Ieusu da ao darida, petedo imo tena, ro ena awa imo da ango atate.
9
Nane imo de tena, dubobari da petedo, na Paul,embo begogo, edo boroko Ieusu Keriso da jibura.
11
Iji dade embo awa, ito yai jigambu ari tau ae, ata boroko embo awa, imo edo na ainda jigamu ari embo dave.
12
Nane emo awa tekago, piteno ito yai mausira ara, embo awa nato ubowa be.
13
Na kotembetena, na embo awa na akuta jiae etena, ango ano nato buro ae esira, imo awa embo, na bundari da itena engo evanelia da tamoda.
14
Ata na buro nei, ito awa arida itae, awa ari jipapa ae ena, na ito buro dave awa, buro beyae ari jipapa ae ena, awa tedo God da jipapa da eiyo.
15
Kotembetena, eiwa tedo iji tupo awa enebo awa imo gaino eyari, ango ari tekago bato io topo ain.
16
Boroko embo awa buro embo ae, ata dave beda dubobari, edo jiwae be ito yai, tamo pisida edo Bada da yai ainde.
17
Awa tedo imo na otawo ango, burite gido embo awa da na ango buiyo.
18
Embo aimi yai beyae da ro esiara gido, ito rorae da ro burisina gido, namode teyo.
19
Na Paul, nato ipa topo be ami gagurena, nane akuta damana ana, dao tae doturena ta imo akuta na buriteta ara.
20
Gebe, nameji, Bada da daoda, nato jipapa eyo, nato ubowa eyo teka are Keriso da daoda.
21
Tatain bari ito goroba eyo,nane ito yai jivena, na gotena the ine jiwae be ata, nane ganege ena awa dagine gedo.
22
Iji da ainde, daotari da butuda da sia eyo na embo na ge be ena ito mane pari da, tekago imo de mane piana.
23
Epaphras, nato jibura embo Iusu keriso da doda, imo mane ategesira.
24
Daedo Mark, Aristtarchus, Demas, ae Luku,nato buro otawo.
25
Bada nato kare Ieusu Keriso, da tonebari awa ito asisi da - Amen