¹ Dubo bari, eiwa ove tote nane, ito mane yai gagurena, edo tote matawa ito mane, jiro kotemabri dave anida kotembu ari. ² Ango ari ge matu sitena, peroveta koktopu da yai, edo bada kaenato Ieusu keriso da, aodari pipisina apostolito mane mi. ³ Eiwa gisi giwo, iji beao da tedo jirari embo gumbara, embo main ami awa mane da udo jipapa da, tedo jirara. ⁴ Embo mai ami tara, embo ainda da tari gari awa indari? Iji node nato kare mmo durudo aveiri, rorae berari kariwa da ango isira, utu de butud de siroro esisina ango de. ⁵ Embo mai awa ruve gesitera, utu ae butu de matu be awa God da ge mi siroro esisina, un da edo. ⁶ Edo rorae eida da doda, butu awa iji ainde maji sima, un dauma gundo ami teyesiri. ⁷ Ata utu ae butu de boroko awa, niyao da, ge da sisina ango, embo mai awa depusi edo ni ge katari de God ge be ae, embobo memesi bouga bara. ⁸ Aimi daginegari tao ae, dubo bar, iji da be ae bada de awa, kariwa da duberi taosan ango, edo duberi taosan awa da ij da ango. ⁹ Bada mi babain go wasiri ae, aind tarigari sisina ainda, embo nenei mi babingo, wasiri ari kotembedo er ango, ata embo awa imo mane embo tatain be embo awa imo de mane nenein, betari jipapa ae edo eira, ata embo berari warere gorote jpapa edo eira, ¹⁰ Edo bada iji awa da, beono embo ango gumaina, utu awa yavi duga de mamaina, edo rorae berari awa niyao mi awaina, edo butu ae ainda waisiri berari de awa arapaina ¹¹ Rorae berai awa begata engo da, mamin, iji ainde awa imo embo ro ango asi? Itari ito awa kotopu, edo God jipapa ada ango. ¹² Imo God da gumbari da iji, awa kotembesite iteta, iji ainde, utu ara niyao manaina, edo ainda rorae berari, awa veverra bjina ami siwaina. ¹³ Ata ainda tari gari ainda, pepisite, kae utu teka, ae butu teka de, sima eite, ainda gisi da itera, ainda dave embo itara. ¹⁴ Awa tedo, dubo bari, imo mane rorae eiwa sineba eiwa awa edo gido, awo bekumba itae, dono gambari itae,ainda gisida edo begada da. ¹⁵ Daedo Bada da tataimbari itae, awa tone bari ango buwo, da kaenato dubo bari nameji, Paul mi mane yai gagurisina ango,da embo ango da dubo gari pipsina ainda tega da. ¹⁶ Paul mi ove da, rorae berari einnda ge sisina,ainda doda awa rorea nenei,awa gari arapa ari tao ae, gido garago ae.dave itae embo de mi, rorae eiwajioro beae edo esisina, da jiwari nenei da edo estera ango, awa mane da memesi akuta. ¹⁷ Awa tedo, dubo bari, rorae eiwa gisi gotewa ami, imo mane akuta sima ewo, ango awa ami imo mane, gis jiaro demoda wotain ae, aodari itae embo da ge pitawa ami, ari ito mane ge be ari awa dadoe gawa. ¹⁸ Ata bada edo toregari, embo kaenato Ieusu keriso, da tonebari ae dubu garide da bjiwo taogari ainda yai boroko edo, natopo itari Amen!