¹ Gisijiari yae, edo avigari eutu da yai kinapeina de da, ave nane gebe mi dobo burena, edo da nane ae, ata ave kave mi ge be gera itera ainde da. ² Ainda be awa gebe awa natokare isira, edo natopo itaina. ³ Toinebari de , do ari de, bega de, kanamode itaina, God mamo ae mai Iesu Keriso da yai itaina, ge be ae dubobaride da. ⁴ Na yaviri duga be ena, ito mane kinapeina ge be da, ainto ero tamena, kariwa da audari mamoda yai buritera ango. ⁵ Boroko na imode pepotena, Eutu, imode audari teka ove da jiwae, ata matu da tuturoda buritera awa, kaena dubo mina bara ara. ⁶ Dubari eiwa, awa kaen audari einda ainto ara. Audari awa eire, da tuturoda ango ingetera ango awa ainda ainto eio. ⁷ Pitawo kato jiwae be awa butuda idegetera, edo embo main ami Bada Ieusu, pisi budo gupusina awa karigae. Ainda be awa embo awa be, embo awa pitawa kato rare. ⁸ Imo akuta gio, rorae ro nanekare, buro era awa , imo da dagenegae ta, ⁹ Embo ain gisi mausira, edo Keriso da auto patari itae, awa God ainde da itae. Embo ain auto patari ainda isira, awa, Mamo ae Mainde da isira. ¹⁰ Embo ain auto patari eiwa, budo ito yai gumbae gido, embo awa ito mandoda bote, edo ategote. ¹¹ embo aimi awa embo awa ategesira gido, awa embo awa embo ainde dada edo binei da buro edira. ¹² Na rorae jiwaibae ito mane yei, jiwana ata na tongaya ae nonda de mi jiwari udo ae ena, na akuta ito mane yei gundo dombu mina gara eite ge tana, ango ano ito mane yaviri awa beda aina. ¹³ Ito mane avigari, dao da kinapeina mi imo mane ategetera.