¹ Pol, Mamo siroro ari da buro embo edo Mamo da Main ambo ambo ari embo, Mamo siroro ari da avigari embo enembo da tumonda ari ambo ge moka da jirogari awa burisina, ² ae wasiri matawa itari ainda tumondari Mamo da yai ainde da, embo awa ge pitawa tae de, tarigari matu duberi berari ainda esisna ainda. ³ Ainda iji be ainde ge awa tanate tedo nato yai esiri arapa esisina, Mamo toregari embo ainda aodari da petedo. ⁴ Taitus da yai tumondari dave enakare ainda mai gebe. Tonembari edo bega Mamo siroro ari Mamo edo Mamo da Mai natokare toregari embo ainda yai. ⁵ Be emi tesirigido na yai Crete ainda doturitena ango ani imomane roviravi deroda piae itewa awa piawa edo nasi berari da gisijijiegari avigawate nanemi tena ango awa. ⁶ Gisijiari awa beae da eita awa avigawa, edo aro da jimbari, ainda kinapeina awa tumondari kinapeina edo wasiri beae ainyae. ⁷ Eiyawa wo jimbari embo da buro be, Mamo da orobe mi itaina ainda begatabe awa eire, beae da aiyae. Embo awa dave edo embo nenei awa beae ango kotemayae, edo sinigambari ainyae edo ung okain inayae, edo embo awa rorae akuta inayae. ⁸ Ata embo awa embo undedo wetedo ari embo aina edo dave arida embao aina. Embo awa davedo udugedo gain aina, kokopi be aina, Mamo wasiri aina edo akuta sima aina. ⁹ Embo awa binga dave atopapositera awa dave be jiaina, ango eiya embo ami awa daonamenji nei kondade edo atopapoteite oiya aimi ainda yai minamina eiri awa ari kokopi ara. ¹⁰ Ge jindari embomai bajina be gupera, ge be isisigae site, embo udumboteite gupera, awa embo nei demoda ami aerata embomai gebe ari embo tera ami gupera. ¹¹ Embomai buro ango era awa gadanaige. Ainda be awa Mamo da orobe awa atopatari pianyae awa pisido ami dandara era awatedo. ¹² Embomai ainda peroweta manemi erido ge engo sitera, Cretens awa iji berari ge pitawa tedera sitera, edo asisi beae risa sitera. ¹³ Ge eiwa gebe sitera. Awatedo davebe edo tewogore, aind be awa teteto gera ainda petedo awamaneda tumondari jiara. ¹⁴ Jewish da aodari embomai ge mokada dodo idegotera ainda pipisitera awa jipapa ae esitera. ¹⁵ Oiya ainmi do dave bede isira ainda yai awa, roviravi berari awa dave berari. Ata oiya aimikaimi kotembari jiwaedawae eite gebe ae era ainda yai awa, daveberari ae, ata embomai ainda kotembari edo rorae dave edo beae gaera ainda kotembari awa beae esisina. Embomai awa Mamo aweri awa gaintedo esitera, ata awamaneda iwatakawata beae ami Mamo doturitera. Embomai awa be jipapa aebe esitera, ge jinjitera, edo embomai awa buro davedaro ari taoae.