¹ Pol, awa Mamo Siroro arida main da jibura embo, ae nanonamenji Timoti de Pilimon de, nakare buro otatao. ² Apia natokare ru edo Akipas natokare itoro embo, tamo buga itomane nasi da dada era. ³ Bajina da tonembari imondemane edo bega Mamo Siroro ari edo main Bajina da. ⁴ Na iji berari nato Mamo Siroro ari awa ategedena. Na imo nato benunu da pisidena. ⁵ Na binga gena ito dubobari edo tumondari Mamo Siroro arida Main kena edo gebe ari embo berari kena. ⁶ Na benunu tena ito asisi da imunjiari edo ito asisi da tumondari goroba be arata ae jirogari de, rorae dave berari nakare kena awa Bajina da doda. ⁷ Na bena edo gena dubodave bajinabe etena, ito ambuya ari, ito dubobari de ainda be awa bajina da buro embo ainda do damodamo awa inemi pieteta namenji. ⁸ Ainda petedo, na goroba nandogo Bajina da yai ainda petedo tena buro ro aesi awa atate tena. ⁹ Ito dubobari gena ainda petedo na na awara ari pipitena. Na, Pol, na embo buruka na boroko awa Mamo Siroro arida Main Bajina da jibura embo. ¹⁰ Na imo kena ganega bajina be ena nato main Onesimas, na ainda asisi Mamo mi asi mi bunjisina. ¹¹ Embo awa gisida awa inemi jigama ari tao ae. Boroko embo awa jigama arida petesira inemi jigama ata edo nanemi jigama ana. ¹² Embo eiwa nanemi ito yai pieteno aimbuteira, embo eiwa awa nato dobe. ¹³ Nanemi sima edena nato dero budo imo kondade arate pieteno aimbuteira, nanemi budo bunjitena Mamo da binga tarate. ¹⁴ Na buro berari aena awa inemi jipapa ae eta awa ain ae. Na dave pisida awa jipapae ata dave Asisi da, ¹⁵ emi eiri gido evekave enainge iji dade nategago overegedo gumundo matawa itanainge. ¹⁶ Iji ribori be buro embo ain ae, ata dave berari da buro embo edo dubobari namenji. Nato yai awa embo awa dubobari bajinabe garida imo ango garida rorae tote ango pisida edo Bajinanda. ¹⁷ Awatedo imo na ito buro otao, garida na ango buiyo. ¹⁸ Embo awa ito yai buro daro esira gido, na teiyo gane. ¹⁹ Pol, owe eiwa nato ingo topobe ami jiwena. Na akuta mina tekago piana - inemi teteta na awa ito edo imo akuta. ²⁰ Gebe namenji nato jipapa awa Bajina da doda, damodamo ari nato ubowa Bajina da doda. ²¹ Na be gebe ena ito kera ari, na ito yai ove ena. Na gotena imo buro nei nanemi tae awa bajina be ata. ²² Da iji ainde, etega embo da dero awa nato siya eiyo. Na gebe ena ito benunu mi na tekago budo ito yai piaina. ²³ Epapras, nato otao jibura embo Bajina da doda imo ategotena - ²⁴ Garida Mak ango, Aristakas, Demas edo Luk, nato buro otatao. ²⁵ Itomane yai Mamo da Main da bega edo Bajina da Asisi imundemane itare. Awara.