¹ Pol, Silvanus, edo Timoti, Siroro ari natokare Mamo da tamo kotopu Tesaloniens ainda edo Mamo da Main de. ² Tonembari imonde mane edo bega Siroro ari natokare Mamo ainda yaida edo Bajina Siroro arida Main. ³ Nakare ijiberari Siroro ari ategana kare imomane awatedo, nanonamenji. Eiyawa davebe ainda be awa itomane tumondari babodeira edo itomane dada da dubobari nenei da yaida awa babodeira. ⁴ Awatedo Siroro arida tamo berari itera ainda nakare imondemane yawa yawa era. Nakare itomane piari wotari edo tumondari itomane dedo gae edo arida ge awa tera. Nakare itomane memesi tamundewa ainda ge awa tera. ⁵ Eiyawa Siroro arida katari kokopi be da kariwara. Imomane memesi nandogo tamundewa awa Siroro arida dero da itawa. ⁶ Awatedo ain mi kainmi imondemane beae edera ainda mina awa Mamo Siroro ari mi aina, ⁷ edo imomane awekawe namondekare memesi tapewa awa dubodave tambawa. Buro engo awa aina ainda Main ae anera kotopu de utuda edo gupera ango de awamaneda goroba da. ⁸ Ain mi kaimi Mamo Siroro ari gae edera edo noin gemi natokare Bajina da gemoka gido ambo ambo ae edera ainda mina awa embomai awa niyao mi awaina. ⁹ Embomai awa sinigambari matawa itari mi ari usibesi ara edo Bajinada do dodo gaino be aimbara edo ainda jitarida gorobada dango. ¹⁰ Buro eiyawa aina iji da Bajina gupeira ango de ainda embomai mi jiaro ikane be eraina edo aimikaimi tumonda era ami taogorote. Nato kare ge inemanemi gebe edo esitewa awatedo. ¹¹ Eiyawatedo nakare imomane awatedo benunu matawa tedenakare. Nakare benunu natokare Mamo Siroro ari mi itomane daotarida imomane ikane be garate. Natokare benunu tera Mamo mi buro daveda udo ari dero barate edo tumondari da buro berari ae gorobade. ¹² Nakare roviravi eiyawa benunu taro natokare Bajina da dao awa inemane jiawo erarate. Nakare benunu tera imomane jiari erawate, ainda be awa natokare Mamo Siroro arida tonembari mi edo Bajina toregari embo