¹ Gisijiari ae ainda avigari evetu ae kinapeinade, awa mane nanemi duboburena gebemi - na akuta ae, ata avekave gemoka gositera ainde. ² Ainda be awa gebe namudekare isira edo mata namundekare itaira. ³ Tonembari, doari, edo bega namudekare itaina Mamo siroro ari edo Mai bajina da yai gupusina Mamo da mai awa gebe edo duboburitera. ⁴ Na dubo dave ena badaribe na tamena kinapeina gemoka da ainto era, garida nakare aodari Mamo da yai edo gumbiri buritenakare ango. ⁵ Boroko nanemi imonde tena evetu na aodari matu gositena ge tuturoda awa dubo mina bara ari. ⁶ Dubobari eiyawa aodarida ainto ari, aodari eiyawa tuturoda gositeta, ainda petedo ainto ata. ⁷ Gebutari embo jiwaebe butuda reri getera, ami tera awa embo udumbari embo edo binei, ⁸ Imo akuta gio buro etenakare awa dowote, ata buro etenakare ainda tau awa bajinabe bata. ⁹ Embo awe atopatari eiwa daginegesira atopatari do ainda itae gido awa Mamo siroroari itae. Embo da awe atopatari do ainda gambari isira gido, embo tote Mamo siroro ari edo ainda Mai awa embo ainde isira. ¹⁰ Embo da awe ito yai gumbira atopataride da gumbae gido awa ito mando da bain ae edo ategaiae. ¹¹ Imo embo daimi ategeteta gido awa imo binei da iwatakawata de da iteta. ¹² Na rorae jiwaebe ito yai gaiana ata na ito yai ge gaiana owe ari rorae de imu demi. Ainda be awa na ito yai gumondo jisi mina gara eite ge tana dubo dave de. ¹³ Ito ru awigari ainda kina peina mi imo ategara