¹ Pol, Silvanus, edo Timoti. Mamo da Main toregari edo kaviegari embo ainda buro embobo, awamane mi ategari pipisitera gebe ari embobo giu ari duga Tesaloniens nasi ainda Mamo Siroro ari edo Mamo da Main ainda doda. Tonembari edo bega itomane yai itera. ² Nakare iji natopo Mamo Siroro ari ategari pisido era imomane awatedo, edo benunu da pipiteite isima edenakare. ³ Nakare ruwegae ata kotemu kotemu natokare Mamo Siroro ari ainda doda. Ito mane buro Mamo dasigari edo buro dubobari de edewa ainde, edo itomane do goroba be jido edewa natokare Bajina Mamo da Main toregari embo ainda doda. ⁴ Nanonamenji nato imomane Mamo da dubobarira. Imomane Mamo da avigari embobo awa gido era. ⁵ Ainda be awa natokare binga ge moka awa ge akuta imondemane piyae, ata goroba da doda pisido enakare, Asisi Kotopu da doda, edo ge moka be moka ainda doda. Begata da ango ainda doda,imomane awa nakare embo nongo nongori awa gawa nakare imomane awatedo. ⁶ Imomane awa nakare edo natokare gisijiari Mamo da Main ango awa. Imomane awa geda doda moka be moka awa kanabaride do yawa yawa Asisi Kotopuda yai. ⁷ Ainda be, awa ge moka gebe era embomai awa imo goteite buro eta edo ge teta awa ara Masedonia edo Akaia nasi do ainda, itomane yai edo awa be ainda edo Mamonda Main da binga ge moka awa ududugedo idegosisira, Masedonia edo Akaia ainda. ⁸ Ata dero berari awa itomane tumondari Mamo da doda awa idegedo paembosisina. Awatedo nakare ge daro awa tain aera. ⁹ Awa embo awamane mi awamane akuta natokare buro gari nongo nongo eite itomane doda gupusitenakare awa tara. Edo imomane awa jimbo beae da nongo nongo wareregositewa awa embomai awamanemi tara wasiri betari awa dodo Mamo matawa itara matawa Mamo Siroro ari edo Mamo gebe edo gebe awa dasiga edera awa tara. ¹⁰ Embomai awamanemi imomanede Mamo da Main utuda edo gumaina awa tara. Mamo mi betarida jiri erori sisina awa tara. Eiyawa Mamo Siroro ari ainda Maina. Amimi memesi be edo kanabari be kanabari dava ae edo dave ae be iji ambojido angode gumaina awa nakare toregosisina tara.