1 Atuje mori,oa aea lou ve o avapi suja rerei Ualare ve tai ve. 2 Ware hova safu aea oto are,oa aea lou o avapi suja rerei. 3 Are ave meta, aea ave mearovaeka ve makuri sovori meai vei. 4 Oa aea lou,atuje mori ro ne vei suja hohoroei,oh noi ere ro haisora nevei neiti.Na,papu vija na satiri arai ve lari avai. 5 Sarufa karu foromai, eve tivi ve papu vija ta oije kofa hairi ve suja rerei.Na mai a Keriso sujarere ovija mai, 6 Papu mija opa ve,are hiki ro nevei suja rerei.Na,a Keriso ro avapi areve sarufa tivi ro neiti, aea areve tivi ro hairi kofai neiti. 7 Ave na hairi kofa, suja rere neiti ipi nara a Ualare vei neive. 8 Ipi erei foromai apo ore neiti,a sarufa karu oh karu ka'a, neivija na tivi aro tova Ualare ovi rairo. 9 Haro mija ae,ave tivi karu ro ta movoro neiti erero nevei suja hohoroei.ipi erei foromai apo ve haro fave mija,are kouri orori ve. 10 Sisa o,papu vija ve na nofo ve orori ve mora kere po vei. 11 Ualare ve sosori noro tare,serope,Diaporo ve na haikaeai ro,na etou nova soka nei sosouje. 12 Ipi erei rove nofo ovo aeta sarava ija tai ve soso uja iaei ka,na haro karu tai ve,suja rerei tai ve,siahu masoave na muru muru ve orori ve iaeo tai ve,arahoha ekaka ve na nofo kouri ve mearovaeka iri ve tai ve iaea. 13 Nara vei,ma soa kofa ve Ualare sosori etou noro,ovi ave erore moea ve serope,maso o ve mora kere povei. 14 Mora kere povei,nara vei,na o ve eije ovi ave erore moea era fasei aeta ovi ave erore kovorehu ve seropei na ovava. 15 Usoso tavaka soka orei ave erore mora ve,oeije ro orei na oije o mafu meai vei. 16 Hairi ae nevei sese ove,ava erore sujarerei noi kere neiti.Karu ekapo na farija mare hahea seo nevei. 17 Ualare ve o haro hati soka aeta arahoha ve nasoi soka. 18 Noki foromai ve aeta hairi foromai ve,noki sare sare foromai arahoha irive neiti.Iti ma soa tao ve,soa foromai apo ofae nia io vei mea vija irive,so a Ualare ve na karu firu vei noki nia neiti. 19 Ae oro veija noki neiti,noi o araro satiri orei,ara ape fapei irive.Noki neiti ara seo aujei meai Ualare ve na murufa oije o. 20 Ipi Ualare ve na murufa oije o vei araro eive pope areve na nova irive,navei ara seo aujei o meai. 21 Tajikase,haikakare ae Ualare irive sujarere meo vija karu,aro meai o foromai,ipi a ore neiti ara nea vai meo. 22 Ara arero atei ma tivi vei itapope,ipi a ore neiti erei nea vai,aeta are aro ave hairi ro toarei o meai. 23 Hairi ipi,aeta haikakare ero ovi ori opovora nia sujarere oa Ualare aeta Iesu Keriso. 24 Nara vei tairu e Iesu Keriso ro sujarere ovija karu firu ro na opei ouje haikakarei ovi ori.