Na embo meni emita degi osaga ere ona, amita be amo namoga mihere puvuto iji heriso nei wahai ere ua, avoeto enana indesora avo irae. ³ Mane enana ikano data pambasora, te enanan indari indae pahuhe, nei amo deuje aisuja eto veasora einge ena. ⁴ Eto Iesu ta ambo tani na eto ingari ea, ungotena degi ambe vorari indokobe umbuto, embomeni emo unduroro? amita be amo degi ojaga tembura. Iesu na eto ingari ena, ba vorari mo doingere? Eto ambotane na ijera amo, heriso nei heriso nei heriso nei wahai ra ainge ea. ⁶ Avo Iesu na emu embotapa avo endata arumbea ba vorari avo umbuto, pari eto,pejeto, amita ambotena ta ikeno umbuto avo embo ta hande ea. ⁷ Eto enana eva 'o'(fish) heriso amigatapa pari ena eto enu embo ta degi hande uera. ⁸ Ainge eto una pepejekari avo toruhara, ehere avo hambija ta heriso nei heriso nei heriso eto neim wahai rate hambija amo pepeni bera. ⁹ Te embo meni amo 4000 hange, avo ikeo pambua. ¹⁰ Eto sau be enga, amita ambotane vihito, avo degi javo Dalmanutha aita pambuhara. ¹¹ Ainge eto puvunu ahe pekari embo pepeni, amina puvuto avo amiga boruke ije ra. ¹² Eto Iesu amita ahihita mine umbuto ena do avo embo meni emo hajire keisi uje ere ore? Ke be erena, hajire avo mane oroho embo meni evi keisora. ¹³ Ainge eto, Iesu hehako engata vihito eva ovihito ta pambuna. ¹⁴ Eto Iesu ta ambotane avo ambe vorari, evo umbae jeneambu, eto enana indesora avo irae, rate ambe wahai engajota miha ainge ena. ¹⁵ Na ke gainha erena, kogue simba mine ara evujo ke ahetokari embo meni te Herod avo pajirari sivo ainge ereora. ¹⁶ Enana embotane, ungo oenga eto ingari mine ara eto ingari ea amo enana ambe iraera ea. ¹⁷ Iesu mahu koguija, eto amo enana ta degi ena, do avo eto ungo ambe tembe heve? Eto mane huna jigovo ungo mane ke be avo? Ungo tajo amo minera. ¹⁸ Umo tihi mihia, eto mane kio? Umo onde mihia, eto mane ingo? Do avo embo ingo hotembaere? ¹⁹ Eto na ambe heriso nei eto wahai, avo hande ehena amo enabo 5000,avo undena, eto donda, embo undeva amita una amo hambeja doinge eheve? Enana ijera amotap 12 ra ainge ea. ²⁰ Ainge donbo, na ambe vorari(bread) heriso, nei nei heriso, nei heriso eto nei wahai, avo eingekehe nei, amo eheve? Enana ijera avo, hambeja 7 heriso, nei heriso, nei heriso, eto nei wahai ra. ²¹ Iesu na ena, ungo be kogove. ²² Eto enana da javo Bethsaida aita puvua aita amo embo menina, embo tihi sapura are avo, umbuto puvuto, Iesu na hame aja penunu ea. ²³ Iesu na embo avo, ingenita gigeto umbuto urumbeto da toto pahaja, eto avo amita tihi isuva eto ingeni siro tembeto, ''ena umo usasa kogo ete? ²⁴ Embo amo tihi kena, eto ena. Na embo aingeko kogone hae ere uja, te amita kiari amo te ainge ra. ²⁵ Eto Iesu ehako inge tembena amita tihita ena embo amita tihe herikenu, donda tapa javoto eto kina. ²⁶ Iesu na amita da ta pambaja, ikihe ke einge ena, mane da be ta pambasoa ainge ena. ²⁷ Iesu ambotane ga hae eto da javo Caesarea Philippi aita. Eto embereta hae ue, amita ambotane ta degi, eto ingari ena. Embo na namomo do ke aro? Ainge eto ingena. ²⁸ Eto enana ke enge ea ea, umo amo John bapavito ra, nei amo umo eujah, eto nei amo umo perojeta wahai ke ea. ²⁹ Avora te ungo namomo do ke avo? Peter na Iesu ta degi ena. Umo amo Keriso ainge ena. ³⁰ Iesu ma je gainha ena, avo ue embo nei avojo nau javota. ³¹ Eto ihiketo enana ahepokihe ena embo meni avo osaga keisuja, eto ujave aisora tihi gugikari te ahe poekari embomeni te, eto embo neite neite mina eto taro peheto avo iji heriso nei wahai arae avo erasuja. ³² Ainge eto ke, araha be hariketo ena, eto Peter umbuto ahoneta pambuto avo, Peter ta jota ahihi sapura ohimbena. ³³ Iesu hapereketo amita ambotane kogue, eto Peter ta degi ena, ahihi sapura umo huma naukuta pambu.Umo no sirota hotembari amo enda ta mihea, avo tot oroho no hotembari avoa God ta degi ekejo. ³⁴ Eto embo mne te ambotane avo gage ehu wahai ta puvua, ke einge ena ena. Umo amuna, na amo aesi uje eto kito amo oenga jeneambu ejo, eto no 'i' atahu avo umbuto na ambo ambo evujo. ³⁵ Embo amu na endata hajavaja, amita mamo iasuja, amo mane hotari umbasuja te embo amo God ta ujeje avo aisuja amina uhuta hotari umbasuja. ³⁶ Eto embo amuna aminta ahihi hotembae toto, enda avo tigaho aisuja, amo datoho da mane horasuja. ³⁷ Eto embo amina amita donda neite neite amina ombuo amita ahihi avo umbari haite inono ae ra. ³⁸ Embomeni eha mihera amo ari sasapura embopo eto God uje ae embomeni rate amuna namote nau ke avo kito me kogue hande ae aisuja amo embota meni usasa te anera otohu ga iji kombute te puvuto embo avo kogue me kesuja.