¹ Ainge amo degi avo toto pambuto da pajiretohota ai pmabuna eto amita ambotane avo amiga pambua. ² Jangu indari iji puvunu kito avo judo embomeni ta jakika ari bande ta horeto embomeni ahe poekihe unu poekari amomo dainge umbuto puvuto ere oi? Kiari amita mo daita umbuto puvuto oi? Kiari javotoho amomo dainge umbuhe ere oi? Wasiri jajavohoto nei te nei te mane kiagore amo amita ingeni na oi? ³ ''Na hotembihena emo bande ikari embo manera erto embo amo Mary ta menira namei kamei amo James te Joseph, te Judas eto Simon eto enana ta duemone ungote namo ga mane iragove?'' Avo eto enana Iesu ta degi jo osa ae ea. ⁴ Ainge eto Iesu na, enana ta degi ke einge ena,peroveta avo degi neinei avo embo otohu uera rate tohota irari da eto namei kanei amita amo mane otohu agora. ⁵ Ainge eto javotoho neite neite ari avo toto, korere embo heriso avo ingeni ikena avo javotoho ea. ⁶ Ainge eo amina enona ta ke be ae ari avo kina avwro amo pambuto da tapa hembuhe avo embo meni avo God ta ke na ahepoekena. ⁷ Ainge [eto amina ambotane 12 avo jage eto ikeni heriso, heriso pambua eto anana pambuhe God ta ke avo ijie pahuhe ra] eto Iesu enana ta sovera ikenu ahihi sasapura ohimbara. ⁸ ainge eto ke einge ena mane karu hoija ari rete mo indari ambe rete, ehi umbuto hae au ungo re hetu avo jigito hae evujo. ⁹ Ututa oreka avo pere eto mane iribo heriso umbasova. ¹⁰ Eto Iesu na ke einge ena, ungo dainge pambuto bande wahai aimihe kito avo mane degi neita pambasova rate degi wahai ai mihimaka pambuvujo. ¹¹ ''Aravo rate da damina ungo pekae aisora eto ke ingae ae aro kito amo no ututa oniho avo torovikejo veau eto ke no avo be ai.'' ¹² Avo eto enana pambuto God ta ke embomeni ta ikihe avo enana [ ke einge ea ungota] sasapura tapa avo toara ea. ¹³ Eto enana na ahihi sasapura ohimbihe eto embo meni ta ohoruta umo oil avo jojekeo enana ta ambure avo irae ena. ¹⁴ King Herod avo Iesu ta pure ari ta duru avo ingina eto embo neinei na avo einge ea, ''emomo John baptis pehena amina eritto puvuto God pure ari sovera avo hena puvuhoite.'' ¹⁵ Nei na ke einge ea ''amo Elijah ra.'' Eto enana nei na avo einge ea, '' emore pevoveta ra, iji mahu pevoveta ainde ra.'' ¹⁶ Rate Herod ke evi ingito ke einge ena, ''John nane na tunga tiukehena, amina pehari toto erehija. ¹⁷ Amita be avo Herod na embo ikenu pambutu John Baptis avo umbuto tipura ta ikea, amita be avo amina amita namei Philip ta ae Herodius avo jimbasi ue ena. ¹⁸ John na Herod ta handa ke einge ena,'' eto namei ta ai jimbari amo sapura ra.'' ¹⁹ Rate Herodius amo jo osa ae eto John tau pehaja ena, rate inono ae ea. ²⁰ Herod umo John oju ena umo kogueja John amo embo javotoho eto otohu ari embo avo simba javotoho ea, Herod, John ta ke ingina amina jo osa ae ena rate amita ke ingito osa ena. ²¹ Ainge eto Herod ta ingari iji avo puvunu kito kito indari pajire be eto amita pure embo, isoro embo ta okose, rete mo eto Galili embo pepeni. ²² Herodius ta iae na oenga puvuto embo ta tihita ja tivena eto Herod te amita umoro enu osa ea. Herod na kakara ta degi ena, ''Na eto ingina, donda derami umo ujeje oa, nane umo hena ikasona. ²³ Herod na onde einge ena, '' donda do uje ue nau handata aisoa amo ikasona, umo uje hajavaja avo kahe kana asoa kito amo tehora. ²⁴ Ka amo ahoneta pambuto e ahmbuto einge ena King ta handa ta ke mo do ano? ke einge ena John baptis ari embo amita ohoru. ²⁵ Avo eto umo saube pambuto King ta handai ke einge ena, na avo oroho be avo John Baptis ta ohoru avo heva ta juru keto ikevu. ²⁶ King ta jo amo osaga isopamane avo umbuna rate kakara amita ke do ena amo orere eto ena, eto embo pondo ta puvuto arumbea amita tihita ea. ²⁷ Avo eto King na isoro embo,wahai avo simba eora, avo John ta ohoru avo umbuto puvujo ena. King ta simba ariro embo na pambuto tipura besita John ta tunga tiukena. ²⁸ Ainge eto John ta ohoru avo heva juruketo umbuto puvuto Herodius ta iae ta ikeo umbuto pambuto. ²⁹ Ainge eo John ta ambotani ke ingito enana puvuto John ta ando umbuto use ta kovea. ³⁰ Enana ambotani na Iesu ta degi egerembeto puvuto enana na pure do tapa ea, eto ahe poekea avo eo ingina. ³¹ Amita be amo embo pajirebe puvuto pambuto ore ugotena etokogo eto indari indae ere ora. ³² Avo eto enana enga ta vihito embo degi ojaga tambu ai pambua. ³³ Rate embomeni indokobe enana kogue pamnua avoto enana tapa na okguena, eto enana utu na enda ta nae eto ouvutu da taoa ta mihia amiga wahaita eto puvuto kihi Iesu pambuhuna degi ai pambuna. ³⁴ Eto enana puvuto jai titi ai uo Iesu na kogueja embomeni isa mane be avo wahai ta uo Iesu ena na kito osaga umbuna amita be amo amina kia o sheep aingeko simba ari embo irae avo umo ihiketo donda tapa avo ahe peoke na. ³⁵ Iji pambuto vovoi, enana Iesu ta amobotane puvuto ke einge ijihara, degi emo embomeni ira eto mume mahu sihukiha. ³⁶ Avo embo enana i kejo pambuto tauri engihita tonu mihihora kito avo enana oenga donda jobure eto umbuto kito indore. ³⁷ Rate Iesu enana ta ke mine avo einge ena ungo donda do ainge kito avo ikevujo indore eto enana amina ke einge ea eto kijo? nago ai pambuto 200 hundred moni avo ambe hoija eto ikaro enana indore. ³⁸ Avo rate amina enana eto ingari ke ena pambuto indari mihete avo pambuto kivu ainge eo enana na einge ijihara eto einge uera indari ahara 5 eto evata eva o 2 india ³⁹ Ainge eto enana embomeni avo eo autapa eto enda isivasi ando ta arubea. ⁴⁰ Eto enana autapa eto arumbea amo 100 eto 50. ⁴¹ Ainge eo Iesu na ambe 5 eto eva o 2 ainge avo umbuto jigunu vihunu avo mamo hena javotoho ari ikeni umbuto peri keto ambotane ta ikeni umbuto embimeni ta ikihara. Eto ainge dombo eva o 2 amo ainge ikea. ⁴² Eto embomeni tapa avo indari indito inono ea. ⁴³ Eto embomeni indari idito irae uo enana ambotane na indari momoru siriketo umbuto jurukihara amo hambija 12 uera eto eva o ga tapa. ⁴⁴ Eto enana embomeni indari indihara amo tapa 5,000. ⁴⁵ Ara ainge ue avo Iesu na enu ambotane avo bout jota vihito kihe pambuto taun engihi Betsaida ainge eto enana embomeni avo ike o pambuhe ra. ⁴⁶ Ainge eto embomeni pambuto irae ehra avo tiri bendeta pari asi pambu na. ⁴⁷ Mume iketo ahuruki hunu enana bout avo eva jotara te Iesu avo tiri ita. ⁴⁸ Iesu umo kogaja enana enga stia jigari avo gaiha amita be amo pisara pajire be erito enana ta enga jaheveha ainge orei mume iketo ahu rukrnu umo avo eva andota hai eto kihi pambuna. ⁴⁹ Eto enana Iesu eva andota hae uo kito enana hotembea amo pehari ahihi keije avo jaje ea. ⁵⁰ Eto do avo embo enana kito ouju ore avo Iesu mshu sau sau puvuto tihita heteto ke einge enjo ungote jigavu jamo ai. ⁵¹ Iesu umo enana ga enga jota horena eto iji amikote pisara pajire amo irae enu enana ambotani na kito tutu ea ike irae ea. ⁵² Eto enana embomeni mana ea ambe indari emo deire eto enana ta jotohere vena. ⁵³ Eto enana umojivorombari avo hiketo puvuto enda wahai ai umo Genesaret ai umo titi ta bout avo toa. ⁵⁴ Ainge eto enana bout ara hata puvutoho ami kote embo isamanebe avo enana kia. ⁵⁵ Embomeni degi tapa ta mihera ai pabuha korere emobo meni umbuto Iesu ta hadai puvuhera. ⁵⁶ Eto degi daige pahore tauri, o eity jo ta pambuti korere emboeni nau bo gara tutumo jigito kojare.