1
Ehako erina eto umo eva engihita ahekea, eto manena avo jorerea. Iesu na managi jota haito vihina amore eva jota, eto veto arumbihaja. Eto embo tapabe amore umo eva amita engihi oihotara.
2
Donda tapabe timuhatirari ke na ehei Kogara, tohota ahekarita eto enane tapa ehei ingihara.
3
"Inga! pure embo tohota ibe kovasi pambija.
4
Tohota ibe ikihaja, nei embereta vovaja eto nei di na puto indihaja.
5
Ibe neinei enda karuhata vena, aitare enda gamo arari te saube ope asuja amita bere enda gamo jota ve aera.
6
Rate iji vivihirou ope amo endekasuja, eto amita be amo tohota susu iraera, opo uija.
7
Ibe nei amo ariripepeta vena, erihajate neina hatihaja eto ibe ikaera.
8
Ipe nei amo enda javotohota vena eto be indoko ikenu erihaja eto pajirena ehekari Thirty, Sixty eto 100 aita."
9
Rate emina eria, ukodamina ondete kito ingesi aukito tojo ingoi.
10
Iesu amo oengana mihhei ambotane na ke timuhatirari avo eto ingia.
11
Amina eriare ungo mahu hotembari ondikarita hotari umbeva avorate timuhatirari ke amo ahuneta dondatapa be.
12
Kogote, tapa keisora, avora tapa kogara, rate mane keisoa eto ingivuje avora ingesora, rate mane kebe aisoa te ungo haperekevujo God na ungo kito toai."
13
Avorate einge eria umo timuhatirari kebe ae? Daingeto timuhatirari ke tapa neinei kebe re?
14
Te pure embo amina ibe kovehija aenge dombo ke kovehija.
15
Ibere emina embere engihita vena aitere ke vena ingesovate, Satan na saube ke ungota degi kovari amo umbasuja.
16
Eremina enda karuhata erena amina ke ingesuje amo jo oste saube umbasuja.
17
Enane susu eraera rate iji tuhobe iresuja. Amita ambota beuje osaga memega iji na sau be veasora.
18
Enane neinei ariri pepe ta vovara amora ke ingesora.
19
Rate degi tapata, simbari endata hajavaja, ijeje nenei amina God ta ke vovaja eto ibe ikae ra.
20
Amita ambato , ibe enda javotohota vovaja amina ke ingesuja - eto ibe ikasuja.
21
Iesu na ke ena, ''Unga herivo usasa bandeta umboto puto hambija jota eto evari besi huta ikeheva avo unbuto ikari degita ikevu.
22
Aita irae be ondikari amore aitara, eto ke ondikari irae puto pe hirikarita pambasuja.
23
Damina ondete kito ingesi asuja, amo tojo ingoi!''
24
Amina eria, dorami ingea avo amboe, hikata jigameha amina umo heka asujo eto be pajere asuja.
25
Amita amo damina miha amita pajire be ikasona eto aminata iraeto miha amo umbasona.
26
Amina ehako eria , ''God ta hotari amo embo amina ibe enda javotohota kovehija aengera ena.
27
Amo mumete evo eto ijina ereuja, eto embere daengeto ena amo kiae ra.
28
Endana donda be oenga an ikeuja, kihita amo iki pere amita ambota ambobeta amo be pajire asuja.
29
Indari indarita hetihirou kito saube kaija tita ikevujo amita bere umbari iji puvuha.
30
Ehako eria, "Donda deita andota God ta hotari hekaro, timuhatirari ke deina jigama eto aro araha au?
31
Amore hingi be aengera, endatapata ibe tapabe amita isapara.
32
Avora kogare ereto pajirebe ena, puree nenei ta ibe seniketo hatu peni kena au uhuta di na nga kena tohota uhumota.
33
Timuhatirari ke einge amina aro enane ingesora,
34
avora eneneta degi timuhitarari kena aena
35
Iji amikote, hure vovoi, enana amita degi ke ena, ungote ovitohota pambare aenge ena.
36
Aengeto embo horukea avototo Iesu managita umbuto enana.
37
Aengeto puhare pisara uhu pipirite umo eva piri piri erena.
38
Vasiri pajiri erihaja rate Iesu oengabe oengabe avo ovounu Ambotanena ujeto ea, Ahe poekari embo dago pehara ua mo kogoete.
39
Ereto ke enu eva eto pisara papa jamo jamo ena.
40
Enaneta degi einge ena do eto joru ove ? Ungo tahumotari mo iraere.
41
Enane tapa joru pajire eto mineara kouge mana mini ea eto ke eingea embo emo deire pisarate eva pirite amina ke ehei jamo jamo ure.