¹ Oroho nau namei, nago avo embo pari evujo avo Bada ta ke na jakeka boreka are, eto ainge eto umo te tapa. ² Pari avo ungote na Bada God na memega osaga eto ahihi sapura embomeni, embo meni tapa na God ta ke mo be humota mane eo ra. ³ Avorate Bada Iesu ta humotari amo pajire be ra, amina umo sovera ari no ikau ainge umo simba aisuja ahihi sapura ta mihe kito. ⁴ ungotena sovera umbera Bada Iesu ume avo embo, avora umo tapa no ahe avo ejo tambu eto pambai. ⁵ Bada Iesu ta jojoga arina no jo komo avo embere siri kau tambu aisuja God tunga umbare na eto pato hondate ari Iesu ta umbasora. ⁶ Nau name kamei, nango tapa na avorari erea Bada Iesu Keriso ta javota, eto ungo avo hoi beta ta irivujo enana ungote nau namei kamei kupi pegogo ue mihera eot ainge ungote no do jigito pahora avo umbae avoeto. ⁷ Eto umo oenga ere kogoa amore nujavotohora eto umo do nango avo embo ere oa. Nango ungote irae ra ainge dombo enana nei uhoho amo ijumba aera. ⁸ Nango indari embo nei uhoho ta avo mane indio ra teho ainge hande ae avo eto amita be, name kamei pure gainha be mume te iji te avo osaga memega eto mete sisivu te, avoeto nango ainge mane be na kuna ungo kusindaso ra. ⁹ Nango ainge aisi mane rate umote namote avo avo ari ikae ra. Do avoeto ungote ari em hekeri hekeri aravo be ainge ahekihira no degi, ainge aro umo nago ijumba aisoa . ¹⁰ Eto iji deite nango mo ungote wahai ta ure, nango na avo rari ere ra, '' Te wahai amuna pure ari uje ae ere ua amo mane indari indesuja. ¹¹ Eto nango na te ingera amo enana ne uhoho kupi pegogo engo meni, ungo ta ugoro ta. Mihera ungo amo pure aera rate eto ainge ue keko. ¹² Bada Iesu Keriso ta javota nango na avora ari ere ra, eto namei ungo uje eto kito oure jamo eto ue indari nei uhoho ta avo indari. ¹³ Rate ungo namei kamei, mane ao jo komo toa o veasuja do javotoho umbasi ere oa avo. ¹⁴ Eto ainge embo nei na God ta ke otohu eita kajari miha avo agi ari uje be aukito, ejo ingoi mihe avo me kioi amita Bada God ga wahai ta ari irae ra ainge ao embo amo kesuja. ¹⁵ Eto amo mane no kiyoho aisuja te, no namei avo isembeto onde kahejo. ¹⁶ Iji oroho eto mahainge Bada Iesu ta peka amo iesu oenga ma no degi ta peka iji mahainge eto embere indoko ta iaksuja eto Bada Iesu ungote tapa. ¹⁷ Emore nau pekari ere ikhe na, na Paul, ke erevi nau ingeni na kajihe na, ke tapa ei kajari miha amo nau hajire ra. Ke einge eto kajiha na. ¹⁸ Eto osari jakeka amo ungote nau Bada Iesu Keriso amo ungote tapa iresuja. Amen.