¹ Poul,silvanus,eto timoti na giupari bande degi thessalonian jota mihera amita kajeto ikena. God ta meni Iesu keriso ta javota. ² Mama God eto Iesu keriso ta osa ari eto peka ungote tapa. ³ Na go na iji mahainge ungo ijie God osa eora, namai kamai. einge amo javotohora, amita be amo no humota amo pajito be viviha,eto tungabari ungo vahai vahai ta amo re mine ara ururo vihisuja. ⁴ Avo eto dagona osa osa te God ta embomeni ta degi God ta ke avo eora. nagona ungo ta jamo jamo eto irari eto ungo ta humota ari embo meni na ungo osaga memegata ikeora.eto nagona ungota bouka memega umbagora avo eo ra. ⁵ Emita hagire amo God ta ari sirikari kembe pere ra. Eto ungona God ta hotari ta horari inono ra amo do umo enda ta osaga memega koguea. ⁶ Avo eto kembe pere erena amo God na hapereketo bouka memega avo egerembeto ikau embo meni amina umo memega ta ikehija ai egerembasuja. Eto au no handa amina ungotenau bouka memega ta ikiha amo kesoa. Amina evi ai suja amo Bada Iesu na uhu ta anera ta sovera ai arahe tapuvure suja. Aita i perimbeto evikihorouembomeni amina bouka memega ikeuja embo meni eto embo amina God kiae amite eto embo meni amina mane Bada Iesu ta duru ambo ambo ea. ⁹ Embo meni amo memega iji daroho kogue iresoa te Bada irari degi usasa te ai ta mane horasora ¹⁰ Eto Iesu na evi ue, amita puvujesuja iji te amo amina amita ke be ari, humota ari embo meni ta degi osa be tapa embo amina humota erua. Na go ta pure do mahu ari no handa amo ke be ue ra. ¹¹ Avo eto nagona ungo avo embo pari mahaenge eora. Nago na God ta jage umo hena avo ije pari ora. No ujeje te javotoho eto ke be ari,sovera arite avo au beaja ue pari eora. ¹² Nago na donda evi pari erora avo eto Bada Iesu ta javo aro enana na jakeka aiso ra. Nago pari ere ora amo amina umo jakekaavo eto ungote nau Bada God, Iesu Keriso ta javo ta.