¹ Nane nameni hanaina ari maha angato mentuja. ² Jene ambu mane atova, akari emita jo aira kouve arako anera ta ava. ³ Othembevo samuna ta hambaru au nimo ameha eto othembevo hambaru samuna ai kuma samuna ara, ninae ue arako. ⁴ Eto jimbari avo otofu evo, everi ansa avo parako. Mama ari embo amire tiha paiha embo avire sirikatuja. ⁵ Nimo money tunga ofoa avo tojo mihae ai Mama nuha i ja. Namo nimo mane toatona, o-o nimo mane ajirekatona. ⁶ Eto nangota kepeari amiatora Jesu re nau hondate embo ra, eto jorumane ato na. Embo mi nanae amuntu aore? ⁷ Ningota tithi jikeri avo kivo. Mama ari e mbo amita ke aja avo eto thumota ke ari avo keika evo. ⁸ Jesu Keriso re tapa ra ifo eni eha eto Maha angato mehenti uja. ⁹ Athe poekari, tithi enieni ami nimo mane humbuto pambatora. Eto akari ra jo akari, ivo avoari eto surusuru eto minderi ami mane hondate atuja. ¹⁰ Nangota altar eto thurukari pemiai pure embo amita ivo mihaera mane mindeti ora. ¹¹ Eto ari samuna avo o otorora amita sasa avo tithi jikeri ami humbuto suku otofu ai vuvuora eto o pere tungihora use ai, rate o andoka evire ufo haia ingiora. ¹² Ami angato Jesu re nahai meme peimi ufaja, eto tofota sasaha avo embo tae otofu ajaja aja. ¹³ Avo embo nagota suku mikithi ai pambuto nehenti ora eto tofota me eto meme avo hondate eto humbare. ¹⁴ Eto nagota natopo na avo mihae ra avo eto natofo na eha havorona. ¹⁵ Amika eto nangota iji maha nangota God hanaina ue i ipoi ao fifirou ipe ta hanaina avo pekithi nangota ami javo amita jikorou fioi. ¹⁶ Rate akari eto ke hijito mine humba tora a vo mane tuatora, God re i ipoi fifiuja avire nangoka hanaina uja. ¹⁷ Ningota tithi jikeri embo aki, ue eto themba enana ta ai more. Amita pe re enana ami embo ando jo peta avire ethekorora eto jo ami niore harikatuja. Aki atoa mi nio tithi jikeri hanaina re ati uja, inaha! panaha! ka mane, angato aure nio re kambae ati uja. ¹⁸ Nango avo embo pinunu ie ivo eto, jo akari amika, tota petapata eto mihaere akari amika mohore. ¹⁹ Rate ningo ta ivo ari thamo-thamo ai ue mihirovo iji tofo ami vuvuto kone. ²⁰ Eto ke eha avo God ta peka ami nangota ambore avo overekatuja o sheep kuma uja Bada Jesu ta sasaha natofo ta ami. ²¹ Ami tonda petapata avo amita uje pure jo nangota ai hanaina ue Jesu ta usasa avo natofota mehe tuja. ²² Ke ethotho pe eha kakurona emi ningo ivo ari hijona nau nane nameni kao mohore. ²³ Nangota nane nameni Timothy re maha tohore ufai vuvuhaja avo kao vuvuto ningore iji tufo ami keti ora. ²⁴ Ithi jiki kora embo eto embo totofo ningota avo pekihora, Italy embo-meni ami ningo pekihora. ²⁵ Jamo-jamo ari avo petapa ningokara.