1
Boru jujune dainge eto puwoi? Basiri ainge amo no uje ta purae.
2
Mo uje eoa te mani humboa . Moembo teoe ambora eto tipapa eoa , eto ainge eoa amina no ujeje awo humbae eoa. Mo boru jujune eoa.
3
Mo eto ingari samia eoa aminda be awo eto mo umbuto no ujeje toho ai jingama aisi eoa .
4
Lo biro pekamba embo mei , mo be kewoete,pusu eminda ujeje amo Mamo da ujae ari pure ra.Arawo embo , embo amina pusu erevi tunga humbasia kito amo Mamo da kitohora.
5
Mo hotembitoa ke siwari amo ke sokowa ainge hotembitoe te , asisi inga nau jota amina basiri ainge awo uje aeua.
6
Awarate Mamo na jo ari ikeua eto siwari na eria mo eonga toi beua awo jigioibitiua
7
Arawo embo towuyo Mamo na ingo titijigoi.Eto sowai ungo ta dei purou kito sovera eto hetevuyo.
8
Mamo God da dei asusumbe ao no dei asusumbai ye.Eto ingo basiri sasamia ari embo ingota ingeri basiri sasamia eowa awo egewuyo.
9
Eto ingo perari basiri sasamia eowa awo tunga memesi eto si ewuyo.Eto ingo basiri sasamia embopo jawiri owa si ewu . Eto ingo jawiri owa awo tunga memesi ewuyo.
10
Eto ingo Mamo da dei putowa awo sapo ewu.Eto ingo sapo awo Mamo na ingo jigou erasowa.
11
Mani namei neide ke samia aisoa.Embo amina tota namei kito eria amone agetari pejitua,eto agetari hasao,mo embo amina agetari hasitoa kito amo mo agotari amboambo ari embo aerate embo nei hasitoa.
12
Embo tawobe awo agetari ikari eto hasari embo.Embore amina ingana hawujekari ikasia eto ingana usibesi aisia,mo aminane,mo embo nei kito ari embo.
13
Nau ke ingiyo. Ingo erewa oroho rete ewito re awo ungo te hanja tukata pambuto tuperi . Eto ai tuperita mindie doda hoija kaiya eto ingote mani nembo be humbasowa ainge eria.
14
Ingo ainge erewa te ingo evito ingo ta dei do aisia awo ingo kiari. Eto ingo ta basiri mo do aingere ? Ingo ta basiri awo teta imbosi iji tuho bitiua te buriki be irae eua .
15
Eto ingore einge eto ari hatekora Mamo imo tipapa aisia awo ungo te mindia eria eto ai aisora hatekora.
Awarate ohora awo ungo sarika ke awo samina na.
Arawo eto embo amina do ewamei inena ae etia arawo embo amone basiri samia etia.