¹ Nanemi sena,mei ave mamo da gorotu badira awa poiwo awodo awa adiae ainda be awa,roraberari mamo da awa umo tepo adira. ² Ate umo boroko awa embo neimi simba adera iji bugari,rora berari mamo da awa umo topo adira. ³ Awasedo,da awodo awa ingode naso yei adira. ⁴ Ate iji God mi sisira awa bugiri,God uso mei itiri busu da bugusira ,budo evetu da tinida siroro isira edo agodari da pepetisira. ⁵ Awodo ari ingode na berari agodari awa kera orase isira,edo dubo God da kinapena orase. ⁶ Edo ingode na awa uso kinapena,awasedo mamo uso mei da asisi awa ingode naso jo da atima edo ira ,emimi iji berari sedo ira mamo awa ingode naso mama. ⁷ Awa embo ingode na awa mana agipo awodo adera, ate kinapenara,edo kinapena awa daedo mamo ro unemi setira awodo adera . ⁸ Ate iji ainde,imo God gae awa imo agipo awodo adesa wasiri bebegae busu da ainda. ⁹ Awarate imo boroko God getesa,edo God imo gadi ira awa ro embo sekago warere gadiri? Imomo agipo embo mata awa ari dipapa esita? ¹⁰ Imo iji jaige,kariga jaige,pura jaige edo gyaiko jaige awa gadesa. ¹¹ Na oju ena iji da de naso buro ingae awa biae adira. ¹² Naso nanonamendi,na ingo sedo gosena ,na inge ewo ainda be awa na ingo ingera.Ingo naso yeida biae nei ro aera. ¹³ Awarate imo gosesa amone naso tamo pisida bundarira,awasedo na ge kotopu eiawa minonu sisena iji awodo de. ¹⁴ Awarate naso tamo pisida petari imo itido gosena,na imo ujo ae ise gido garago era ,awarate imo na ato bato teta God da anela kotopu awodo isena,ise na Bada Iesu awodo kumbusesa. ¹⁵ Iso ewa gaewa mo boroko yei rawanda atiri? Awasedo na iso yeida ujugurena imo iso dombu munju jigido gurugedo naso yeida itadesa. ¹⁶ Awasedo namomo ge be setena awa embo iso isoro embo etenita? ¹⁷ Ingo imo tu burise ombudo bera,awate ainda be ataera.Ingo mi imo gajadi dipapa era amone imo ungode da umo jigosase era. ¹⁸ Gido sadesa amore ewameida ombore awa embo ,edo naso asusubari imode da atira amimi ari adiara . ¹⁹ Naso kinapeina , sekago na aia mi mei engarida memesi burira awodo imo embo burirono Iesu iso joda siroro adira . ²⁰ Na be mina burena awa boroko na imo de asusu bedo petetena ise naso jawi awa eteno awa seka ira , ainda be awa ainda be awa naso jo imo embo bejiri sena . ²¹ Sewo gane ingo embo amei agodari da petari dipapa ewa awa ge agodari mi sira awa dengoro edo ingi tewita ?. ²² Awarate jiwari mi sira awa Abraham da memei etoto atisera ,nei awa agipo evetu mi engisira ,busuda dipapa da emboro da ,edo nei awa uso aro engisira matu be sisira awodo da . ²³ Rowirawi eiawa teta sari petari ge inia awodo awa evetu etoto emimi setero gambusira ²⁴ Evetu nei da awa diri Sainai ainda mi agipo ari kinapeina awodo awa engisira , evetu eiawa Hagar . ²⁵ Iji ei edode , Hagar awa diri Sainai awodo yei Arabia joda petetira edo umo daedo Jerusalem boroko da awodo ujugarira ,edo umo awa agipo evetu awodo , uso kinapeina deda . ²⁶ Awarate ,Jerusalem utuda awa neiro dongono ae edo umo awa ingo naso aia. ²⁷ Edo jiwari mi sira , iawa yawiri ewo imo iro ami nei ro engae esa awa gyo-gyo dimbudo budo ewamei ari awa embo seo , imo amei memesi biae esa kinapeina engari da ,ainda be awa kinapeina biae evetu da awa be jiwae be edo ewetu awe iyu de da tega beda . ²⁸ Awarate ingo naso nanonamendi teta Isaac awodo awa matu be sisira ainda kinapeina . ²⁹ Iji awodo de tamo pisida emboro da engisira amimi asisi da emboro da engisira awa dedo kausu kausu isera . Isera da awodo awa boroko atira . ³⁰ Awarate ,jiwari mi ro siri ? Agipo evetu awa uso kinapeina de itido mamborase . Ainda be awa agipo evetu da memei mi ungo da gayapa awa kando osisa adi era evetu ewamei ainda kinapeina da yeida . ³¹ Awa embo naso nanonamendi ingo de na awa agipo evetu da kinapeina aera , awarate evetu ewamei ainda ra .