¹ Una dainai, bema unuseniai ahealo haida Keriso lalonai, bema unuseniai tau halo haida lalokau amo bavara bema unuseniai hebamo heheni haida Lauma lalonai, bema unuseniai hekaha bona hebogahisi haida. ² Bena umui ese egu moale lalogu ai bae hegeregere lalokau hegeregerenai, Lauma lalonai boma hatamona. ³ Gau ta heiriheiri ai eiava hekokoroku asi anina ai basio karaia. A hahemanau ai balaloa haida na oi hereamu. ⁴ Bona ta ta sibomui emui namo basio tahudia, a haida edia namo ba tahudia ⁵ Ina dara bavabia sibomu lalomu ai baine mia hegeregerena Keriso lalonai, ⁶ daika ena be ia na Dirava, oromana eabia ena be ia na Dirava ida na hegeregere to se laloa una baine dogoa tao gauna. ⁷ A ia sibona e hekaruhi hebubu hesiai merona oromana eabia, bona taunimanima hegeregerena ai e vara - e davaria e itaia tau ta na heto, ⁸ ia sibona e hahemanau bona Dirava e kamonai henia ela bona mase, oibe satauro ena mase! ⁹ Una dainai Dirava ese ia e imodaia atai ai bona Dirava ese lada e henia lada iboudiai e hereadia ladana. ¹⁰ Ini e kara toma Iesu ladana dainai tui iboudia ai bae hadai, guba gaudia bona tanobada gaudia bona tanobada henuna, gaudia iboudiai tuidia bae hadai, ¹¹ bona mala iboudiai bae gwau hedinarai Iesu Keriso na Lohiabada, Tamada Dirava iheatolaina. ¹² Una dainai egu lalokau taumui e, nega idoidiai ba kamonai dia lau vairagu ai mo a murigu ai, emui kamonai ba habadaia emu hahemauri ba tahua mai garimui bona mai heude-heude mui ida. ¹³ Badina una na Dirava daika be umui lalomui ai e gaukaramu hegeregerena ena ura namodia iurahenidia bona ikaradia na lalomui ai e havaramu. ¹⁴ Gau iboudiai ba karadia asi emui maumau eiava hepapa-ahuahu ai, ¹⁵ unu amo oi na basio kerere bona ba goevagoeva, Dirava natuna ai baola asi toutoumu, idia bogaragidia ai oi na tanobada ba diari lamepa na heto, uru gagevagageva na bona gwau ede-edena bogaragidiai. ¹⁶ Mauri herevana ba dogoa tao bena Keriso ena dina ai lau na baina heagi lau na asina heau kava eiava asina hekwarahi kava. ¹⁷ A ena be bema lau baina hekaruhi hebubu Boubou herahiana bona emu abidadama tomadihona, lau na baina moale bona umui ida baita moale hebou. ¹⁸ Kara tamona lalonai umui danu do ba moale bona lau ida baita moale hebou. ¹⁹ A lau na helaro Lohiabada Iesu lalonai nega dia daudau Timoteo dekemu baina siaia vasi una dainai lau danu bae halogu lau na gaudia emu ai na mai dibagu. ²⁰ Badina be dekegu ai na ta lasi ia hegeregerena daika be momokani mai ena helalo emui ai. ²¹ Badina be iboudiai na sibodia edia gau e tahumu, a dia Iesu Keriso ena gau. ²² A umui be ia davana be dibamui, badina mero tamana ida, ia lau ida sivarai namo isiaina a lao henimu. ²³ Una dainai egu helaro be nega dia daudau ia baina siaia vasi ede baina heto baina diba negana ai. ²⁴ A lau na Lohiabada lalonai na abidadama nega basine daudau lau danu baina vasi. ²⁵ A lau na laloa maoro Epafrodito bain siaia lou oi dekemu. Ia na lau tadigu bona bamogu gaukara ai bona tuari ai e bamogumu, bona emu gwaukau tauna bona hesiai tauna egu dubu ai. ²⁶ Badina be e lalomu badamu ia na umui ida bona e lalo hekwarahi bada badina ena gorere harina o kamonai dainai. ²⁷ Momokani e gorere, mokona e mase. To Dirava ese e bogaia hisi, bona dia ia mo, a lau danu e bogagu hisi, egu lalo hisihisi baine bada herea na garina. ²⁸ Una dainai lau na ura badamu baina siaia vasi bena oi ese ma baitaia lou oi na ba moale, bona lau danu egu hisihisi baine maragi. ²⁹ Una dainai Lohiabada lalonai bavabia dae mai moalemu ida bona taunimanima ia hegeregerena danu ba mataurdaidia. ³⁰ Badina Keriso ena gaukara dainai mokona e mase ena mauri e dadaraia lau isiaigu e lao heni bona oi dahaka basio kara egu ai tomdiho lalonai. Translation done by: Ret/Dk. Lohia Kohu on 15/09/22, completed on 19/09/22, time: 2 am