¹ Paulo bona Timoteo, Keriso Iesu, ena hesiai taumai, umui Keriso Iesu lalonai e atomui tabe taumui Filipi ai, mai emui heitatao bona diakono ida. ² Hariharibada bona maino Tamada Dirava bona Lohiabada Iesu Keriso ena amo avabia. ³ Hora iboudiai na lalomuimu egu Dirava na hanamoamu, ⁴ hanaihanai, egu guriguri iboudiai lalodiai umui daimui ai na gurigurimu mai moalegu ida ⁵ badina be eda hebamo sivarai namo gaukaranai dina ginigunana amo ema bona hari. ⁶ Launa dibagu lavadae ina gaukara namona emui amo e matamaia tauna ese baine hesiriua ela bona Iesu Keriso ena dina. ⁷ Lau egu ai na maoro unu baina henari toma badina umui na lau kudougu ai. ⁸ Dirava na lau igwau hedinaraigu lau umui iboumui ai be ede na lalomui tomamu Iesu Keriso ena hebogahisi lalonai. ⁹ Ina na lau egu guriguri umui emui lalokau na bae tubu daekau aonegai bona lalopararai. ¹⁰ Unu amo gau namodia ihamomokanidia bona taunimanima namodia ai baola ela bona Keriso ena dina. ¹¹ Kara maoromaoro huahuadia ai ba honuhonu dae Iesu Keriso ena amo hairai bona hahenamo na Dirava ena. ¹² Varavaragu harihari lau na uramu umui iboumui ai badiba egu ai e vara gaudia na sivarai namo ihtubuna. ¹³ Huahuana be una Keriso lalonai e guigu iguidia na diari e vara hegvima taudia bona haida ediai. ¹⁴ Varavara momo edia goada Lohiabada lalonai danu e bada herea badina lau iguigu iguidia daidiai, bona mai goadadia herevadia iherevalaina ¹⁵ Haida na lalo dika bona badu ai Keriso e haripiulaia haida na e lalo namo bona moale ai, unu muridiai lalokau ai e haripiulaia badina dibadia lau e atogu na sivarai namo igini tutukana dainai. ¹⁷ Guna taudia ese edia diba ai Keriso e haripiulaia e laloava lau iguigu lalonai bae hegonugu herea, ¹⁸ bena dahaka? dala iboudiai lalodiai enabe dibaka eiava momokani Keriso na e haripiulaia una mo lau ese na moalelaiamu, oibe, bona lau na baina moale, ¹⁹ badina dibagu una na lau iruha negegu umui emui guriguri bona Iesu Keriso ena hereva heduru amo. ²⁰ Ina na lau egu ura dikadika bona helaro dala ta ai basina hemarai, to mai goada gugurugu ida hari bona hanaihanai Keriso baina abia isi maurigu ai eiava masegu ai. ²¹ Lau egu ai baina mauri na Keriso bona baina mase na baina abiabi. ²² To bema tauani ai baina mauri, una anina mai huahuagu. To edena baina abia? Lau na asi dibagu. ²³ Ini ruaosi ese e gugubagu herea. Lau egu ura dikadika na baina heruha nege Keriso ida, una na hereadae. ²⁴ Tauani lalonai baita noho anina tauani ena mo. ²⁵ Una ese eme haraivagu, bona dibagu lau na umui ida bona doini umui idia emui moale ihatubuna abidadama na lalonai. ²⁶ Bema lau egu amo emu heagi Keriso Iesu lalonai na bae bada herea baina lou henimui neganai. ²⁷ Emui kara hari Keriso ena sivarai namo ida bae hetura. Lau bainama eiava lasi, sivaraimui baina kamonai, umu na Lauma tamonai o gini tutukamu bona lalo tamonai o raka heboumu sivarai namo abidadama na lalonai. ²⁸ Basio gari inamui daidiai. Una na toa idia igigi rohorohodia, to umui emui ai na hahemauri. ²⁹ Una e heni na asi davana Keriso dainai dia basio abiabiraia Ia dainai danu ba hisihisi. ³⁰ Eda tuari hegeregeredia egu ai danu oi ita bona harihari egu amo o kamonaimu.