¹ Yaka yai bouge di dibanera daka bia Bauge vara. Leta o daki toreima riaga koita va yai, da dubu gahara vare e. Dirava raki ya idi gevenu, renu yaka daiera, badivara noka dibanara Keriso ra riaga vara! Beta daki davahu yai gahara vima, eduge koita aubougi dibana gahare renu ga riaga, Keriso riaga gahane koita va ya gainage ya hegiri gaha! ² E makavara nokamu ni bouge Dirava ga riagave, riaga gaha. Era ni uhurehe gera renu noka beta ga e gare gavara! ³ Dirava ni Mame renu au Moe Iesu Keriso yabeki yau mageve no mohigeva, renu no vagahu gahigeima, renu mai no mohigeisa, renu no mage gahigeima. ^{6 4} Daka hegiri vime daki dakamu dibana goinu ya beyabemu maguri riaga magurigaha Dirava noki kirogevene e. Oramu ni Mame rone noka kisa rone gavara. ⁵ Eige negubutu, dubu koitava ya, yakera daki ya imi geima no au rone kia. Eige, daki o yai torei roma era au gahara varera-noma bebe magegahi geisa-ora beta iaga isage vara; eduge ga oramu enu, noma bebe yau dibane gahare bebe mage gahigeisa. Ga o maka varamu, noka Dirava mage gahisa renu bebe gainage mage gahigeisa.-noma Dirava gare kamuisa renu meva kisa. Au gahara vare ra noka au mage gahisa renu bebe no mage gahigeisa. ⁷ Koita mudago bebe daure gahi gevare dainehe koita beyabemu dubu garehanu, yaukamu koita nune beruga o uya. Yaukaki roeya Iesu Keriso ra beta koita ra. Yaukaki koita beya tarageva renu Iesu Keriso inai gaha. ⁸ Eige, yama gabidada misa yau negu ya gainage ya tarageime! Yau negu ya taragevare, yaka negu mage roiare no bada memi yagoi otare aka beta mimivara, au mage uhubage roiare, Dirava ruta maguri behibehi ragohisa. ⁹ Ogore yabena Keriso no uhuvaka gahi gevene nune gahisa roya renu dagedage ga riaga gahiga veite gaha, yauka Dirava ruta beta kobabera. Eduge ogore yabena dagedage Keriso gare riaga gaha, noka Dirava ni Mame renu au Moe rutagera. ¹⁰ Eige, koita nune bena orogi uhuvaka nune bei no uhuvaka gahigeisa roma beta Keriso uhuvaka no mohigevene nagate, ya negu hegiri gahime yai iaga uhurehe! Ya negu hero gahime se mage gahime gumabei! ¹¹ Enakime daki roma, badivara a negu enaki mage gahare, a riaga koita be mage gahare nagate, aka yahigime aki auka au daure meve kisa. ¹² Daka dagedage ga mage mudago vara eduge daka urai aki rosa, daka besibe vime daki leta maema. Eduge, dakamu o ai gasina orogima renu daka a ruta gavisa. Eige noka hegiri mage ragohisa. ¹³ Ai riaga koita tuhe ruta dubu uhura, Dirava idigevene gahavaya, yau bouge ra yauki a mage gaha.