¹ Vaniva ya renu batava ya, Di ogo nanuhe ya, aka beta anai ororovara koita bera ai ga be besubevara. ² Yaka dibana riagavara Rohi Bauge orogare vanivara ra vaho koita vahi orogare nagatera. ³ Yau rosa era "Mai renu Magera," inono veite daure vara yau ada ororovara. Detu magi huhu nagohare nagatera. Ruru gabuna vara veitera. ⁴ Eduge ya, ni ogo nanuhe ya, yaka beta vadibu uhurahe gera eige vani era ya idigeisa vaho koita nagate. ⁵ Badivara yaka abaga renu vani gamika yabara. Noka beta vadibu renu vahi yabera. ⁶ Eige, no negu yagoa be ya kiare nagate. Eduge, noma dibana gahisa renu uhu mage uhura usa. ⁷ Vahi yagia gahava yabegu yagohe vahi, gadiki daure iare gahava yaberagu ie vahi uhura. ⁸ Eduge noka vani gaha yabera, no negu gadiki daure ime, noka ena usa gabidadama renu mage ni kemenehe, renu maguri orogare anaisa ni omote koukova nagate. ⁹ Badivara Dirava ra no ihiro geige veitera daure dainehe, eduge noka maguri misa Iesu Keriso uhura, ¹⁰ ni dainehe hoge raganu, ni noganoga uhura se yagiyave uhura. ¹¹ Eige bebe regu geisa renu bebe yahe geisa, ya ki orogare nagate. ¹² Riaga uhurahe ge noki ya imigeva, ni ogo nanuhe ya, yai tanahe memiare yama yau dibana gahisa renu ya biea gahigevare Rohi Bauge uhura, ¹³ renu hero gahigeisa mage uhura yau meve dainehe. Mai uhura yama maguri ragohisa. ¹⁴ Ya hero gahigeime noki, ni ogo nanuhe ya: Me veite gahava ya yama vasiba gahigeisa, uhu isuke koitava ya yau uhure berebe gahigeisa, hero veite koitava ya yau uhure hero gahigeisa, renu kerigoisa o aubougi uhura. ¹⁵ Eige koita bera beta mati koita be daure gahigevare. Edige, bebe hero gahigeisa mage yai bouge dainehe. ¹⁶ Vahi aubougi hegiri ragohisa. ¹⁷ Imimi vani aubougi. ¹⁸ Eige aubougi uhura bebe mage gahigeisa. Ora Dirava gahara varera Iesu Keriso uhura. ¹⁹ Ya negu Horu Aena no gahime. ²⁰ Ya negu Peroveta ga tarata gahime. ²¹ Mage iaganiva ya kamuigei berebe gahisa. ²² Ya negu daure be uhura siri ragohime. ²³ Dirava maivegu ya bakugei mage gahisa. Yai suare, horuve, renu yai ahata make ra mage uhurahe gera Rohi Bauge Iesu Keriso ororove dainehe. ²⁴ Gabidadama uhura au toto veraki ai orogima, renu aukena meva kisa. ²⁵ Ni too nanuhe ya, ni Ada yama Mimi ragohisa. ²⁶ Horu uhura bebe mage gahigeisa. ²⁷ Rohi Bauge ihehegera daki ya kirogeima yama ga o dahisa koita yau bougi yau. ²⁸ Iesu Keriso haire yai bouge yaie goisa.