¹ E'u Raga'eda, kavamoaia ai-ai, kau'anigada eraumagada ema vavaida gaga'a da vaida kavavai,isa ru'anda mai isa makamaka va'iro. Imaganai isa va-kapukapuga, mai dirava na isa mekau'aina ero. ² Evoda vaida u-vauai! Naida da kau ka iva, gaga'a e ka i-akuna e ka iva-ga'ua. ³ Nana da ava-gaga'amuiva, badina ava'ononomui ai'ai uko'una aunanai u'mia ro'ava, Vu'geo ana isa geo,ema mauri umia, ana mauri isa mia. ⁴ Nana ava-momoaimuiva mai ava-nonoamuiva. Agana amia ovinai, gaga'ada mara'idada vaida ko ao'una era'au-gagava ⁵ Imai Masedonianai ira'asi, kauanimaida gemano gagava. Idua-iduada evomai nai, mai aomaida gemekau mekauva. ⁶ Ko Diravana eu-gu Taitus na esieia emai eva ira'amai. ⁷ Diravana da Taitus nano eiei'a emai eva ira'a mai ko, uida ero Taitusna uvaira'a. Evaonomaiva ae'adi urasimai gagava, mai emui ra-na aba'unai. ⁸ Momoai e'u revarevana eo-gu aomuida eva sina'ada ko da ara'aona, ko aveai e'u revarevana aisana ana aomuida eva sina'ada ounanai ara-va'iro. Ko aomuida gesina'a ba'ana. ⁹ Agana ara'auva, da badina emui maurida ge-ira'a ko aomuida gesina'a inoku emui vavai gaga'ada uruidava.Makanuavina ege boionana ka e'abimui ko gavanadaka uva gaureava badina naida i'ogu. ¹⁰ Diravana ena gere'anai vu aonu'u-nu'u,emui vavai gaga'ada iboudadai vuruida. Ko ema ia kanobagana aonu'unu'u-dada ana geo nano emai'aina ro'ava. ¹¹ Aganai vuisana Diravana ena aonu'u-nu'una gere'anana evavai ro'ava. Ae'adi naida vi-isa'aku da u'kerere, emui idua da, emui mekauda, emui ra-boubouda iboudadai mai emui urana ana meoroda eda puru vaka. ¹² Nana aougu arere-venimuiva ko da kaina-ororoda kaudada eda isa e a'a kauna geva gaga'ava a'anana ko Diravana emu vavai nonoada vei-sa'aku. ¹³ Ia adina ounanai ira'ada ka-abi ro'ava. Ana ounani sibomai iva-ira'a-va'ira'a mai ira'auainimuva badina uida uogu Taitus na na era'auva. ¹⁴ Agamuida a'abi ra'anda ana ao'una egaga'a. Ko idainana maorada boudadai ivararoda abamuinai a'ada momoai. Taitus na eu'gu eva momoaia. ¹⁵ Iboumuinai eva nonoamui, badina emui maora onoda erasida, mai emai era'asi venimui ana ubau'au venia mai uabia gae. ¹⁶ Ara'auva badina ava momoa'aimui gagava.