¹ Melkesadek avo da Jurusalem embo ta king eto maha otofu irare beta amita pure embo, avo Abram hafaja, iji tapa isoro eto embo king teke reketo vuvuto foi. Deki ai hambuto ivo ari jokaja. ² Amita eto Abram mi haja waja amita avo ingene ufo eto eni ufo jokaja. Melkesadek,javo amita mine re engato ra,''King wasiri akari te''.Eto javo eni avo da Salem ta king eora, amita mine re engato ra,King jo jamo jamo te. ³ Amita maha, aha eto afija,jape mihae,amita ingari iji mihae eto ambure iji mihae. Mihreri amita amo maha otofu ta meni otofu amita mihreri avo mihaja eto maha otofu ta pure embo datofo eto. ⁴ Ningote nango, kiora amita javo avo ihrare betara. Ufifi nangota Abramami isoro eto donda humbuto karekaraja, ingene ufote ufote isoro ai ufaja avo. ⁵ Livai ta meni undi maha otofu ta pure embo ara ami ke engato ara pure embo meni eni avo ari tapa avo ingene ufo te ufo te kareka tiora. Enena orembatiora, enena avo avo Abram ta meni undi eto enena ta nane nameni. ⁶ Melkesadek avo livai hena eto vurae ra. Rate ami donda ufaja amo ingene ufote ufote eto ufo avo Abram mi hito avo ei amita peika ke avo be aja. ⁷ Evi kembe ra,avo eto embo ami javotofo jokuja avo embo pemi ra. Embo amita javotofo humbati uja, avo amita amita hemba ai mehetuja. ⁸ Embo pamone avo ambure ta hemba mehera ami ingene ufote ufote humbuora, rate enena kora enenaavo avo iji nanofo metora. ⁹ Ningote nango ke engato ati ora,Embo livai ami donda ingene ufote ufote amita ufo avo Melkesadek eto Abram ta hembai ai. ¹⁰ Amita be amo ufifi tofota amita ando ai mihija, Iji Melkesadek ami Abram hafaja amikote. ¹¹ Israel embo pamone ami lo avo habatiore, avo lo ami ke engato ija,enena avo maha otofu ta pure ara ue aja. Rate,maha otofu ta pure eora ennena Livai ami,aro embo pamone akari humba era, ovra, be do eto maha otofu ami pure embo eni ambo ai vureti oi ija, amo Melkesadak ite, eto Aron ite mane. ¹² Avo eto, maha ta pure embo ta iji heka ari avo jandirikau, avora lo ka tapa ai jandirikatuja. ¹³ Ke emo donda avunu ta ke avo ei, ke evi embo eni maha otofu ta pure ombari gaga ai mehera amita ke ra. ¹⁴ Nimo namo kora nangota pemi avo Judia hena eto vuviaja Moses amienena ta ke eni do ae ra,Maha otofu ta pure ara ue. ¹⁵ Donda avunu avo ke era, avo ofahara, pure embo eni ami Melksadek ite eto kito. ¹⁶ Evi end ata lo hamo ai mihie pure embo ora avo mane rate mihireri nanofo amita ivo hamo ai vuvihaja. ¹⁷ Rate,ke amita avo amita ivo, ningo avo maha otofu ta pure embo Melkesadek avo mihija angato, meheri nanofo mehetoa. ¹⁸ Avo eto lo iji mahate hieri avo hieri angari re ai hieri mihija, do eto,lo evo mihaera eto nango maha mane hondate atuja. ¹⁹ Lo ami,donda eni do ae akari aera. avo eto, ami deki pe eni aferekaraja,avo akari be eto lo senikaraja eto deki ei nango betapa, maha otofu ka auvatora. ²⁰ Amita peika ke aja, avo tefo aera, mane. Embo eni ufo avo pure embo ara. Ke peika ke avo hiei mehere. ²¹ Rate, maha otofu ami n uha hei avo Meni Otofu avo maha ta pure embo aja. maha otofu ta buku ke kajari ami ke enga ija.Maha otofu ami kebe ma hei ingera, nango betapa pure embo anga eto,iji nanofo eto ami ke tofota avo mane ajirekatiuja. ²² Avo eto, pure meni otofu ami aja, avo akari be eto pure maha iji kiri ta avo senikaraja. ²³ Iiji maha beta, embo ainga be, maha ta pure embo ara, amita be avo embo ainga be ambuora, mane pure embo eto nanofo miora. ²⁴ Rate meni otofu avo iji nanofo mihaja, pure ami jikakaraja avo enika heka ari hareko manera. ²⁵ Avo eto, iji nanofo, embo pamone humbau overeketo maha otofu hena ai auvara ue, javo amita ai, amita be avo tofo amita mihireri avo nanofo be eto enena hondate ue humora uja. ²⁶ Pure embo ihrare beta, engari ami nango ka inono ati uja, amita samuna eto tumo kamu mihae eto mihireri amita avo usasa pere eto tokono mihae. tofo nimo nuha unga ihrare be ai mihija, embo samuna ora avo toto isa eto. ²⁷ Maha otofu ta ombari hieri, iji betapa mane hiuja, tofota samuna avo harikati ue, amita ambo ai, embo pamone samuna heukeuja, mahqa otofu ta pure embo ami iji maha be te eora. ²⁸ Lo ami eoi embo ta ivo mihae euja, pure embo pepemi ati heka eora avo , Rate, kembe evi, lota ambo ai vuviaja, meni singa avo heka eto, meni avo meni akari.Embo kiri vuviaja, nango hondate eto mihireri nanofo humbara ue.