¹ Maha ta pure ari embo ami embo meni tapa, tapa amita jo ai sirikuruja. Vasiri Maha Otofu ta avo eto koko eto akari humbatauja ue samuna tiatiuja. ² Maha ta pure embo ami tambe, samuna ae mera ai hondate au Maha Otofu ketora. ³ Avo embo Maha Otofu ta pure ari embo ami toto ta jo avo embo ta hiuja aga tofo bora hija. ⁴ Ami nuha arira mane hanana ati uja. Maha Otofu mi eron jake aja anga. ⁵ Meni Otofu vovaja avo javo pemi umbatara. Nuha namo Maha Otofu ta pure ari embo anera, tofo nuha unjukaraja. ke hindu ami ke vuvuaja ; nimo re nau menira, eto eha namo no Maha Otofu ra. ⁶ Da eni ei nimo jake hena ? Malkasadak, nimo re nou pure embo nanofora. ⁷ Iji tofota ai Meni Otofu ta ando avo jokaja, pehaugeto si aja eto tiri sisivu vovaja. Tofo honiate atora amita ija. Tofo ta umbureri ei eto tofo ta si avo igikaraja. Amita be re tofo ta Maha Otofu ta vasiri akari avo aja. ⁸ Tofo re Maha ta Otofu kito veto isoko eto ari aja. Avombeto osaga, meme ufaja. ⁹ Avo embo tofo akaribe aja, embo meni avo keto fota avo aki atora. Tofo avo meri nanofo Meni Otofu ra. ¹⁰ Embo amo tofo Maha Otofu ami jake aja tofo avo Malkasadak ite aja ue jokaja. ¹¹ Naugo ke pemi be mija atora te ? No ingeri avo manera. ¹² Iji emi no orebari avo isokora, embo eni ami Maha Otofu ta ke avo harepoikatora. Amore nimo inderi be avo nine inderi areko mane. Tofo nimo re emi mu pere indi uja. ¹³ Embo avo emi mu pere indi uja amore embo amita horebari re isokobera. ¹⁴ Inderi surumane amo embo pepemi em indetoja. Embo avo nuha ara ira ami ta ami tofota oresari avo arepoikari akari, eto samuna avo kiuja.