¹ Namo javo nau avo ikene irarie vuviuja rate, nane amei re eni akakri humba ra. rate namore iruru ta ke eto Maha Pemi ta ke avo pere ati ona. ² Embo tapa, meni Otofu ta joi mija amore namokerira jua 14 ma mirae eija, Maha Otofu ami umbuto irarei vito pambu aja unga erotapa ai. ³ Eto namo kona embo emo mo ando joi mei o osahai mei, amo namo kiae ra eijate Maha Pemi ami nuha kouja. ⁴ Nuha da nanofoi pambuto na ke namo pemi be re ato na, rate nau ke re mane ati ora. ⁵ Embo engekari amita javoi ke namo pemi be re ato na, rate nau ke re mane ati ona. ⁶ Avo eto namo ke pemi be eto mane atora. Amita namo mane avo embo pamone mane ano kava ato ra. ⁷ Nau javo mane jikonu veitiuja amita amo sova ta pure embo meni ami ore ando meme pemi be ufona avo embo. ⁸ Eto ingeri avo tapa avo ena, nau bovu avo toto humbaei o houkai avo eto ingekorona. ⁹ Ango hiene, nana ke overeketo ke mine aja, nau joari avo nimo ka meiti uja amita be amo, nau ivo mihae ei ja iji te, rate meni Otofu amita ivo hietuija tofota hanana ka. ¹⁰ Avo eto namo hanana ona meni Otofu amits joi ivo ari hoja. ¹¹ namo re siro sisae ona, embo pemi amo nau joi horei re ivo ari jokaja. ¹² Ke be atora embo ambotane ta pure wasiri ere vuvuto ejefa aja. ¹³ Donda avunu ami ei na humora ari vande eni pe ufo mo toure ve, amo ijare to avo namo nauka ningota bovu umbatona! ¹⁴ Evi kiavu, namore sirika sirika ona oveeketo vureti ue nigota, amore bovu nigo ta ra mane atoa, namoe nigo tavo avo uje ue ae ra. Namo nimo uje ona. Meni isisa ami eta eto mamo ta donda umbuto tapata erora ango. ¹⁵ Eto namo re hanana ka hietona, nigota re. Namo nigo ta ke ami inono ona, rate nigo avo inono aera. ¹⁶ Rate nigno ke sokova atova amo re ma namo re ke tona. ¹⁷ Be do eto na nane ningo ta wasiri akari mo umbuto vuviane, eto embo eni pe ufo hiene vuvi ara amo mo? ¹⁸ Namo Taitus eto uje eto na hiene vuviaja. Rate avo hiare amika tapai akareto aera. ¹⁹ Eto ningo horemborova avo enq ningo unimburue arie ke eva. Nango re Maha Pemi ta javoi ke be era eo re nango re ningi ta akari avo umbuto vuviara. ²⁰ Namo joru ona namo iji eni te overeketo, namo mane mane hambati ona, namo mine mane hambati oa, nimo koa, avo keto aire, hini kambari, siari, tumo kamo eto isoro jujune ami usiri kati uja. ²¹ Namo ehako overekano, nau Maha Otofu ami, namo orerati uja, nimo kouro, avo eto embo ainga be ami nana si atiora uja, embo meni avo samuna era te samuna karikae wasisri eni te eni te avo ue mehera avo eto.