¹ . Ainembo, na ivuga rena bajari eini ningha irira , namo ava bajari eine ra, ainembo geka kaifa ari kakato Iesu da rurusira boghu amingo nembo arava rena, ainembo namone nunda duroga kaverege gairira amara. ² . Kotu ne, mama God da oka kaifa ari kakato ainembo nimone bajari inge-gora, ainembo jo ninda ari ujome aiera te Mama God ujora. ainembo sonebari jo meka gase da arira mino mutari kaifa seda. ³ . Ne bajari amingo gegenembo da eyose gegenembo nine simba resa ainda, aetesa katago ava ivata oka nenda edorera ara. ⁴ . Vurigi amingo Iesu kaveregairira ninesa bairesa natofo irarida duroga arava bairesa. ⁵ Emboro daba amingo nembo ne gimasa dunumuge gegenembo ivata amingo nembo ava usera kondade mino-mino evo. God gaigusira na-na sedorera arava. Eta God mutudorira koma -bari dumugari edorera ainda. ⁶ Ainembo ne donumuge evo God da kotofu kakarada avege nu nase ne gighari eraire nunda ujo vurigi da. ⁷ Ninda aekogo berari mutuyo numokena ,God nase ni kaifa airira ,use aekogo asisibekirae da ivata ane oka Lion mi arigo genembo tavae midarira . ⁸ Dunumuge, ge ghovo ege ninda aekogo mane ava asisi bekirigae ava ge ondira oka Lion mi ari go,genembo midarira. ⁹ Ainembo numo kena desege do, geka beka use ano numo kena buyo. Ni garira eta ninda gegenembo geka beka ari edorera enda tamo emia ivata daba ava iridorira. ¹⁰ Vevera amingo nembo ijoko tambaresa , God ava koma bari da susura ,resiri ava keriso da durogha natofo da , simbugairira. ¹¹ Amingoge nunda yeyeda irira natofo Ara amigo ege. ¹² Silvanus ava koma bari namdi ge nanese avigusera .Ainembo ge ove gembo ava ninda sakai siseresena beka koma bari God da ama fete yo. ¹³ Ava evetu ama Babylon ava nane avigusena nenda ategari maki de mandi namo de ne berari. ¹⁴ Ne nesuka atega minode minode use joka ivuga de muno evo. keriso dajoka joka nemokena ra .