1
Vali moeagaea ue solisege IESU au mohoho tuelo '12' ke lohomegei aboili tiale o moeaga moeaga keveo aloloai ata haivelu, ataea tai DILAVAu adau vuvunele uveve dua nona ke loui ata haivelu.
2
Ige keate volea aboili tiale ke volea haluluvite, voleala munana toelau aboele uale ke IESU ke hoeaseavege ea doadoai aboili tievelu, keate vole Meli Magidalini ke vilele munana toela seveni '7' IESUa lovege tievelu.
3
Ige kea tige ata kosealeta aboili tilu kosi vole Helodi ke vilele hauivale kusa, keateve Dioana ige Susana ige keate voleta aboili abo moni agisi IESUta mohohoeabeta dulugei loviabe kele kelu aboili tievelu.
4
Ata moeagaea o igaligali kele loevelu, loi vole bevuai igalile usege IESU donale nona vole loui haivelu.
5
Haivei avoe malaha voleu au vule govaea vole agisi tai sesialu. Ige ive volea kuvale lavulu, ige ataea ela daitai loisege uguia vole ige vesulu.
6
Isege ive volea vuleu vatati uale kele lavui lalavalu, isito alumuiabea vata uvue tiesolige valiu kalui vuvunege kea giliatilu.
7
Isege ive volea adu bekate uvue lavulu, ige adu bekate keu lalavai bavulu.
8
Isege ive volea vatau duale lavui lalavalu isi bai moeaga otovelu, uani hadeleti otovelu '100' au ke louge vesuge, genuhamai toai avoe oleu golemaveu uale keu kotoko evi.
9
Ige disaibolovea loui avoe, baito donau nona aa louale ke louge lo evisi.
10
Ige IESU lavigei avoe, da olale DILAVAu au vatava dogave ke uvue uveve koto ke abo evisi luleleai kosealelu donau nonau kele abole evisi isito aboba lulelealivelu bele, isi abole ivai isito huhualivelu bele.
11
Daa donau nonale louale ke baivela kou, govaea ii keu DILAVAu nonala keu.
12
Ii volea keuvale lavuale keu ata volelate ata keale kotou duake evigei isege seteneu loi uvuia belel kotou dua ke lehosivaige abo ba mauli agilivelu bele.
13
Ii volea vuletele lavuale keu kosealu ata volea koto evisi sisilale vai usege toela voleu abolai loige abo evievi ke kalevalu.
14
Ii volea adu bekate uvue lavuale keu kosealu, ata volea kotoevilu ige nenive. Isi vatau aveve keta agisi loi abobigatale otovevaga keu evieviabe ke vai toelatilu ige evieviu uesolilu.
15
Isege ii volea vatau duale lavuale keu ata volelate ala kea. Kea koto evisi huhui dua ai abobigalai hau dua alu abo maulitelu, iale ata keala kea.
16
Ata beu ba lameba vaui vai maua uvue vaeavalivelu belel, isi vai abo navale betiu valae vaeavalivelu bele, isito au vai eule vakovage atae ke atagale ui.
18
Ialelu neniai la koto eviale kele goadai meliai uve, ige DILAVAu lulele kitae lamegei ige lulelevele uvu oleu homasiage DILAVAule lulele kitae lamegei ige lulelevele uvu oleu homasiage DILAVAule luleleve vai leiviai tai, ige malomalole ui.
19
IESU aiau kovuvuiabeali olai IESU vileo loi isito ata moeagaea bavuge loiveveu malomaloalu.
20
Ige ata volea IESU laviai avoe ai aiau ai kovuvuali aa ivalivelu loi kai leleisi uva.
21
Ige IESU ata ke neni lavigei avoe lea DILAVAu koto evisi avale kea dii aia isi dii kovuvuiala kea.
22
Vali vole nile IESU au mohohoeali boutile kadivasege IESU lavigei avoe, lai tabu ko koui vaki voleo taevei.
23
Kateai lavigeito IESU tai nalu. Nasege hebulu kitaeu lolu ige tabu vuloai vaea loi bouti uvue lavuge mohoho lekea loui avoe, lai lole ave vovoi.
24
Kateai louito tai IESU isai laviai avoe, loi KOSIVE, eu lailo kavelau koava ige IESU kobelai hebulu ta eta kotoeavage hebulu bukiai tisege eu tolelevalu.
25
Ige IESU lavigei avoe au lalai evievi vai daele vaeava solilu, IESU kateai lavigelu ige ea vabuiavai tetehamai nonabe loui lavia savalu, isito abo volete ula lavigei avoe ata kou ata vadeula kou hebulu eti kotove evilu.
26
Koto keu vesusege abo boutile Galileia kalevai tabu ke koui vaki vole Gelasenesi vatae daialu.
27
Daiai eu gonele IESU lavisege tilogoivale ata malaha voleu avoe lolu, malaha keu vali moeaga ogona kolovue solisito vava ulata aule ugei o kaleito alu vutae aule ugei guliu vae.
28
Iale malaha keu IESU ivai viliviliai kekota avoe lolu, loi IESU vudile tuholuai genuhamai loui avoe, IESU, otogo biage voo, vadeuluga aa dae lolu, daa aa laiage momai daa kavalive.
29
Au louale ke kosealu, au luta loige IESU munana toela kelu loui nunuvai olale au malaha ke kalei tai kosealelu vali moeaga munana toela keu avole ui vai toelati moeagalu aule kateisege abole vatalai seinita umuvai vai ou uvue bavuge loi seini ke bukia katui itai botou uvue tigei. Munana toelau avoele uale kelugau au kateale ava.
30
Ige IESU belai avoe ai ivila ole, ige eu loui avoe di ivila moeaga, keu kosealu munana toela moeagaea avoele ulu.
31
Ilabo ai IESU laviai avoe momai umoe ataea uesite keveo lo hanavegei.
32
Kateai to ivasege ovo volea talae lovi isi oava, ige munana toelaea IESU laviai avoe loo hanavege lo ovou uvue tai, ige IESU loui avoe 'teve'.
33
Kateai louge munana toelaea malaha ke kalevai tai ovou uvue otolovage ovoea kobekavai iluvisi tai ketatava vuvai tabu kitaele otolovai eisi vovolu.
34
Ige ovo biagea ke ivai iluvisi tievelu kuvau tavae ata ivei lavigei tiale ola daialu isi ke loui ata haivelu.
35
Ige ata kea ke evisi IESU vileo loevelu aveve ke ivalivelu loi ivage malaha keu ogona duave kolovui IESU genau vavale ugulumai uva, ige kea ke ivai tetehamalu.
36
Ige aveve ke ivale ataea tilogote ke nona loui ou ata haivelu isi ata moeagata lavigelu.
37
Ige ou ata kenenia evisi ivai vabu kitae aevei IESU laviai avoe loi vatava Gelaseni ko kalevai te ige IESU bouti vai tota kuiakavai tievelu.
38
Isege malahale keu tai IESU laviai avoe dale ati tai, ige IESU lavia avoe.
39
Be au kuialai ai oe talivelu DILAVAu vadeu aele ale ke loui ata haiveite.
40
Ige IESU kuialai tisege ata moeaga avolu sisila kitae aevelivelu inohovele ueviva.
41
Isege malaha vole ivive Dailiasi keu Diuia dubu naliavale ata kitae ku loi IESU genau vavale kome bokoai vata bisi IESU laviai avoe, loige lai di oe tai.
42
Au louale keu kosealu vave igali lahani tuelo '12' keu hatitialeu voeleveu vuguvugualu ige IESU malaha keti tisege ata moeagaea loalea bavuevei aboili tilu.
43
Kateisege keate voleu taou hatiti vale lahaniveu tuelo '12' keu uvue au moni moeaga agisi ata hoeaseavevale ke vavevaga abo ke neniavai kalikaliave solilu, ige eta usege.
44
IESU ata moeaga kea loi IESU bavui loevesege keate ke loi IESU iae ogonave ivi vatalalu, isege tao vesulu.
45
Ige IESU loui avoe ole igaliu da vatalalu, iga abo vovohoi usege Bitau loui avoe ata moeaga koeala aele vatolu.
46
Igeto IESU loui avoe da ata hoeaseavevale vuvuneu daele uesolilu, ige ata voleu da vatalalu.
47
Ige keate le keu huhuai avoe da ale ko IESU ivalu isi solekata loi IESU genau vavale tuholuai au ale keneni loui IESU lavialu at bahata kea nile, IESU laviai avoe da ai ogona vatalasege tao vesulu.
48
Ige IESU laviai avoe di vaa, doadoai te, ai evieviu aa hoeaseavalu sisilale te.
49
IESU nona kateai lousege dubule hauivale voleu ole kobelai lolu loi loui avoe, ai vau voelealu momai tisa vai isutilive.
50
Ige IESU ke evisi vau mama laviai avoe momai vabualive daa vai leleveti, ige auleba kobelai.
51
Isi loevealea ola daialu, isi louge atabeu aboili ou uvue tie solilu isito Bita, Dioni, Dieimisi isi mamaveta aiaveta aboili ou uvue tilu.
52
Ata moeagaea alio kavasege IESU lavigei avoe, alio kalevave vaa keu voele solilu isito nalu.
53
Ige abo ke evisi koelehamalu ea dibage eu voelealu isito IESU avoe nalu.
54
Ige IESU tai adave vatalai loui avoe, ese, kobela.
55
Ige vaa keu munanaveu loige eu kobelalu, isi louge abo lovi vavuge ilu.
56
Mama, aia kea huhui kitae alu ige IESU lavigei avoe ko loui ata haivelive vadeu daa ale ko.