1
IESU koto kateale loui ata haiveito vesuge kalei Kabenamue tilu.
2
Oo kele Lomenia tuvali ata kosive kitae voleu ulu, au avolu olavale vo keu hatitialeu voelelu vekealu.
3
Ige tuvali kosive keu IESU avale koto ke evisi Diuia kosive hanavei olale abo IESU laviage loi vove hoeaseavai.
4
Kateige ea loale a IESU lavia avoe tuvaliavale kosive voleu olale loi talivelu vove voleu hatitiale hoeaseava, lo olale loi tai hoeaseava.
5
Kosealelu malaha keu atau dua keu lo bahata hoeaseavei lolai dubu vole koulu.
6
Abo koto kateale loui IESU laviage IESU aboili tilu tialeu ou vavae tisege tuvaliavale keu au kakolu vole hanavege loevelu loi IESU laviai avoe, loi kosiveu loui avoe di kosive kaleva di oe lolive dau ba atau duabele di ou uvue aa loi.
7
Katealelu dau data aeo loie solilu isito ale koto ula louge dii voo keu doadoai.
8
Da dibage tuvalia vale kosive kitae kea vuvune kitae damulu iale dale di tuvali ese vole lavigege abole di ola ke ai dale vole hanavai koseige au te ige aule tai, isi vole laviai koseige lo, ige aule loi, oo isoho dale di ole hauivale ke laviai koseai ko aso ige aule ai iale ale koto ula louge di ese keule doadoai.
9
Ige IESU koto ke evisi tetealu isi lavisi ata moeagaea lovai tiale ke lavigei loui avoe daa Iselalaele evievi koletebe iva solilu.
10
Kateai louge tuvali ata kea kuiakavai abo oe tisege ese lekeu kobelai doadoai ulu.
11
Vali voleo IESU oo vole Naini keveo tilu ge mohohoeabeta tige ata moeagaea lovegei aboili tilu.
12
Tievealea oe dailu asege oo ke biagea ese voleu voeleige abo kesita kabaisi vai aboela lolu. Voeleale keu gobu vole vove igaliavela keu voelealu, ige oe ata moeagaea gobu ke luvita loevelu.
13
Ige IESU gobu ke ivai avolu uvu kitae alu isi laviai avoe, alio kale.
14
Kateai louito, tialeu au ada vai kesile vaeavage kabaisi loale kea leleilu, isege IESU loui avoe moia da alavialu kobela.
15
Kateige ata kesi uvue uale keu kobelai kotoalu ige IESU vai aiave vavulu.
16
Ige ata kea ke ivai tetehamalu isi vabuai DILAVA hoeaseavalu, isi loui avoe beloveta kitaeu ave loe lolu DILAVAu au ata hoeaseavelivelu lolu.
17
Ige IESU avale koto keu bahata Diudea vatae tilu isi vatava volea Diudea iae uale ketae tilu.
18
Kateige Dioni mohoho volea IESU ale ke ivai tai Dioni haivulu ige Dioniu au voo abuti hanavelu.
19
Isi lavigei avoe taevelivelu, IESU laviai koseave au Dioni louale ata ke ala kou? bela voleule ba loi, ige lo inohovele ui.
20
Ige ea IESU vileo loevelu, loi IESU laviai avoe Dioni ata babatisoale kela lo hanavege loo aa belalivelu lolu. Dioniu olai evisi au, au lo dulugevale ata kela kou lolu? bela lole voleu inohole ui.
21
Kateai belasege IESU niabele ata moeaga hoeaseaveva. Ata volea munana toelau aboele uale volea ni kelote voela golema togote.
22
Isi kele Dioni voo abuti ke lavigei avoe kuiakavai talivelu la vadeu ivale , evivale ke loui Dioni laviave, ni kelotea niai tisege, gena keukate ke dai tisege, lebelasite kea doadoasege, koto evie site kea koto evisege voeleivale kea kobekavalu, isi di kotou dua loui hauiabea ue site keta haivelu.
23
Ige oleu oleu malomalo solisito au evieevie daele vaeavale keule sisila kitaeai.
24
IESU kateai lougeto Dioni voo abuti kea kuiakavai tisege IESU ba Dioni galagalave keneni loui ata moeaga ke haivelu isi loui avoe laa kole botoe tiale Dioni ivage keu ata oleve kateale au la huhuige keu au uvu vai DILAVA vileo vaeavai avoele meliai lavilu? bela hebulu loi kulu vai hadaeavage kulu hadai tiale ke late alu.
25
Laa keveo tiale ata oleve kateale ivalu lale ivage keu ogona duata uale atala keu, ba ogona dua avale kea ba botoe ulivelubele isito abole ou duale ugei.
26
Daa tota laa lavigei, laa keveo tialea vadeu ivalu lale beloveta ivalu leleve ulala beloveta ivalu isito keu beloveta keneni leivigealela keu, beloveta kitae.
27
Dioniu aveve kela bukau kotole loui avoe dale dii voo vole hanavagau aule alu unila tai ata baita lavigei koseai kosiveu loiva.
28
Daa koto vole louge evive, Dioniu vatale uale ata ko neni leivigelu isito iviesite dii ata olisi. Dilava adau vuvunele uale keu Dioni leivialu.
29
Ou ata moeaga isi takesi agivale ata keta IESU louale ke evilu, ata kea memila Dioniu haivege koto ke evisi huhuai avoe DILAVAu basuai vaeavale keu loele duave baua, ata keala Dioniu babatisogelu.
30
Isito Balisese ata isi Diuia basuale loui haivevale ata kea Dioniu louale koto evisito ola savalu DILAVAu kuvala talivelu kateige Dioniu babatisogeve solilu.
31
Ige IESU ke lavigei avoe dale vadeule ave atate kolai evete veteavai loui.
32
Kea eseu esea ologole giluhamavale late eseu esea vole lavigei avoe loea lalai sale kava geto la kavue solilu isi loea aliokavage laea loili alio savalu. Iale ave vali kole uale la kea eseuesea avale kelate la aeviva.
33
Isi kelate ata babatisoivale Dioni keu loaleu vali voleo lovi ie solisi uaini ta ie solige la loui avoe keu badevala keu.
34
Iale atau eseu loaleu uainita lovita ige la loui avoe ata ke ivave keu lovi ivolo voloivale atala keu. Uaini isi momai takesi agivale atau toela keali kakoluvualu.
35
Laa koto kateale louale kele ataea huhuige laea lulele savalu. Lai nona keu eseu eseavea nonate late.
36
Vali vole nile Balisese malaha voleu olale IESU talivelu oveo avoti lovi isi, ige IESU tialeu oveo avoti ugulumai lovi iva.
37
Isege oo keveo keate vole toelau ulu, ke evige IESU okele loi uale ke evisi senisi hagote vole vai lolu.
38
Kevai loaleu IESU vavale lavisi alioasege nive e kea IESU genale lavuva, ige au kome bokoai vata bisi au kineu numuta IESU geina behaumage vesusege genave ke uniuniavalu, isi au senisi hagote ke vai genave vavulu.
39
Ige Balisese malaha keu ke ivai huhuai avoe, IESU kou beloveta be oli teto keate keu levege eu aveveve toela ke ivalu.
40
Balisese malaha keu huhui kateala age IESU ke ivai avolu loi avoe Saimoni, dale alu koto vole loui, ige Saimoniu loui avoe di kosive ke louge daa evisi.
41
Kateige, IESU loui avoe vali vole nile malaha abutiu loi kosi volele moni bukini alu, voleu vai hadeleti 'k500', isege voleu viviti kina 'k50' bukinialu.
42
Moni ke agisi biage vavulivelu ale ke vali niu lolu, isito moniu aboele uesolilu, ige moni biage keu lavigei avoe momai moni damuveve ke huhuaevevale, kalevave. Ige a huhuige oleve malaha keu kosive kelu sisila kitae alu.
43
Ige Saimoniu loui avoe da huhuige moni kitae agiale malaha keu, ige IESU laviai avoe avola keu.
44
Isi kateige IESU vovolovai keate ke ivai Saimoni laviai loui avoe, keate ko iva, daa ai oe loige aa ee kai dii geina totoe solilu, isito keate kou loi alioage nive ee kea di genale lavuge au kineu numuta dii gena ke behaumalu, ige doadoalu.
45
Daa luta ai oe loige, a dalu sisilai da uniuniava solilu, isi a senisi hagoteta di kine vavue solilu.
46
Isito daa loige keate kou senisi hagote ta dii geina vavulu isi dii geina uniuniava moeagalu.
47
Daa aa laviage evi, daa keate ko toela moeaga uliage vesulu. Kosealelu keu au isivi keneni daele vaeavai daa hoeaseava moeagalu. Iale oleu daa huhui eseveage, dale toelave eseve vesuiava.
48
Kateai louito keate ke laviai avoe daa ai toela keneni vesuiavage kenenia vesulu.
49
Kateige ata volea lovi isi uale kea ata volea louigei avoe koto vadeula ko au aveve toela totoi vale atala kou.
50
Ige IESU keate ke lavia avoe, aa ai evievi daele vaeavale kele DILAVAu ai toela kele avai duatilu ialelu sisilale tee.