¹ Bolo keu Iesu Keliso loviavale ata. Dilava isivile isi ukolikoli kevai Iesu Keliso vileo. ² Timoti keu di uvue esela. Sisila uvu isi uveve dua. Mama Dilava vileo. Iesu Keliso loi Kosive. ³ Da sisilalu Dilava vileo. Mouke atate kea kine igali, uvu igali isi uvu duale lailolai favivali kele mama Dilava daluiiava uvalela. ⁴ Dau aa alioale ke huhualu. Ialekele da isivivele aa ivai. Ige dii uvu kou sisilai. ⁵ Abo ai huhui damulu aii evievi leleve keu mouke. Aii favi keatete Loisi isi aii aiaa Iunisi ige huhui keule aele uii. ⁶ Ila age dau aa haivuge huhui lelevele dau Dilava amualeke agisi dii adale faeava. ⁷ Dilavau fabu munana lai loame solilu. Isi too au vuvune, au isivi isi au nonale vaeavalu. ⁸ Ialekele Kosive nona loulivelu mati kaleva isi datalu. Kosive ivile dibula ata. Isito Dilava nonale fatetuvu vaso. ⁹ Atakelake lailo agigei isu isi lailo toiavielu auu toii lulukele. lai fadeu dua avale kele euba lailo agigelu bele. Isito auu huhuile isi auu isivile. Euu lailoi vavelu IesuKeliso uu solivale keveo. ¹⁰ Ialekele lailo agigeale ata Iesu Keliso foeleale ke fesuiavalu isi lailo agigei ataga uveve isi uii ukolikoli kotoudua kele. ¹¹ Isive eaa daa vaevige dau Kosive nona ke louvale isive haivevale ata dala. ¹² Matikeu daele ueesolilu, dau huhuage eule dati uii, euu lovale keloi. ¹³ Vatala leleveti evetevete nona aa daeo evialeke. Iesu Keliso isivi. ¹⁴ Fale vile dua keu aii uvue ualeke nibidua Munana tuvu keu lailoilu ulu. ¹⁵ Aa nona koo huhualu. Olea Eisiae uale kea daa kalevalu levelekea Baigeus isi Hemogenesi. ¹⁶ Dilavau au dua vai Onesibolus olee vaeavalu ata kou Dibula Seinita abo da umuvale ke i vai matia solilu. ¹⁷ Isito eu loumu ee uale keveo euu daa kaoai isi ivalu. ¹⁸ Dilava la avaii lelevetisi. A vaii emege uveve duale uu Kosive ati uui au dati Ebesesi Fatae uale ke late.