¹ Di ivila Bolo.Dilava isivilega da Iesu Keliso Abositolo olisi lailo kakolo Timoti ti lalai levaleva ko kisaiai hanaviva. ekalesia kolinito oe uale isivi Dilava ataea Gulikia vatae uvale ke nenilaiga lo levaleva ko kisaiai hanavalu. ² Lo olalela lai loi MamaDilava isi lailo Kosi kitae Iesu Keliso keala. huhugei la hoeseavege lale uu dua ave. ³ Lailoi Kosi Iesu Keliso keu mama lailolai uvuiva. Dilava kela vali bahata ivive letatavai hoeaseavagei. ⁴ Lai vateu tuvu agige Dilava kela lailo dulugeva, isi olale ata voleta vateu tuvu agiale kelai Dilava vuvunele lailo hoeaseavale vuvune kele lai ibilalu ata ke dulugei. ⁵ Keliso vatetuvu moeaga agiale ke late lailota vatetuvu agige. Isito vateU tuvu keule Keliso lailo vuvunetiale kele lai uu dua. ⁶ Keliso vateu tuvu agiale ke late loea vateutuvu agiva. Ige Keliso auu vuvunele lo dulugeale kele loo neniai uii. Ke late late vateutuvu kele homasi lale Vaito meliai uge Dilavau laa agige. ⁷ Lo huhuige laa vateu tuvu agivale kele otolovalu bele. Lo huhuige lo vateu tuvu agige Keliso lo dulugeale ke late aule vateu tuvu kele laa dulugei. ⁸ Loi kakoluvuia, loo lai laa lavigege huhuave loo Eisia vatae vateu tuvu kitae agievelu.Vateu tuvu kitae loele loige loo huhuai kosealu lale oleve kateai uevei. ⁹ Lo huhuai kosealu vateu tuvu keule lo agige loeale vovoi. .isito vateu tuvu keu loeale loige Dilava olage loi goada ue solisito lo Dilava ataea vovoge aule ke isage abole kobekavale keu vuvuneleaule loo dulugei. ¹⁰ Katealelu Dilavau lo dulugege lo vateu tuvu kele vovo solisto ueviva.Loi uvu vai Dilava vavuale kelu aule vali bahata loo melitigei. ¹¹ Katealelu lata vali bahata lolai guliguliageve ige Dilavaule lai koto evisi loo dulugei ige loele kele meliai hauage ata moeagaeale sisilai Dilava hoeaseavai. ¹² Loi kakolovuia lo sisilalu.Lo huhuige loea vatau aveve ke aa solisito aveve dua ke ula lo age laa ke ivalu. Lo laa seleavei ataea lulelele laa haive solilu, isito Dilava lo huhuige loo hoeaseavale kele lo Dilavau koto loui laa haivelu. ¹³ Lo malomalo nona loui lalai hanava solilu, isito lo lalai kisaiai olale laa ke dodavei kele lulele via. ¹⁴ La aike loi aveve bahata diba solilu ,isito daa olale Lailoi Kosi kitae Iesu keu valiu loige loi aveve bahata ivai lolai sisilave.Ige loeale vali kela lai sisila aii. ¹⁵ Da huhuige a veveabe keule kateai.Katealelu da memila lae tiveve ke huhuai lolai laeo deiai ti abutiai ige laa kele uu duaii. ¹⁶ Da huhuige dale memila lae taitoba vaoe Magidonia vatae tai uluaga ba tota kuialai laeo tai la ivegei.Ige lale daa duluage dale Diudia vatae tai. ¹⁷ Da laeo tiveve ke huhuale ke aa solige, laa voleale koseai loui, seleivale atala keu. Laa huhuige da di olau huhuila ke aii laa seleavelu.Vali Voleo dale loui koseaito mana daleba loi. isito daba lolivelu bele. ¹⁸ Dilava keu leleve,ige Di koto keta leleve.Di koto keu bahata malomalo koto olie solilu. ¹⁹ Dilava vo Iesu Keliso keu kotola Siluviniesi,Timoti isi dau lo ke loui laa haiveva.Iesu Keliso koto keu malomalo koto olie solilu, isito keu lelevela.Aule vateu louale ke aii. ²⁰ Dilava au koto vai vaeavale ke Iesule ke neni agisi lelevetisi.Kelega lai Dilava ivi hoeaseavai guliguliai loui koseiva Iesu Keliso kele koto keu leleve. ²¹ Dilava kela au vuvunele lailo agigei hoeseavege lai Keliso luvita Igali toai meliava,keu lailo makagei au Munana tuvu lailoi uvue otovelu. ²² Keu lailo makagei au Munana tuvu lailoi uvue otoveale kele lai huhuige lailoea Dilava ataea.Isi kele lai dibage au lailolai hau otoveale ke lailole bahata agisi. ²³ Dilavau dibage da memila lae loiesoliale ke kosealu la aveve toela vole ageale kea ula age da ola solilulae loi koto isute loui la agisi isutigei. ²⁴ Da olasolilu lai evisi vai toelatisi koto louge laa di isivi ula alivelu.Isito da olai laele loviu dua age kele sisilave.