¹ Nau na namei bee, na hove hingote, yako nombo kakuyona emi hingote hombari hirikau yako hotembari dei tambu jai ta pere jigamo atoa. ² Na uje ingo yako nombo hotembawa uje ona kee profet mi madu be ta awotari ta kee inganau Apa Iesu Keriso mi peroveta mamadu ta pee ta hikari. ³ Dora payei be ungo kiti kioyotowa amo, embo na kiore embo amo ambo iji ai puto ingota uje sasamuya ai pere aisa atora. ⁴ Sarikata kee javi einge iko , iji bee mo do mi Iesu Keriso mo yako overeketo purou. Dora perari amo tega tawo ainge irotuya ate aije mana nangota sari aro amide hambatora. ⁵ Kee javi ainge iko hatora amida be amo ingo Mama Hotohu ta kee hetei utu ijekitaya ainge mane ara hingari uje ae eora. ⁶ Mama Hotohu mi hetei umo tuka bee poyeto puto enda perari iketo arukitaya, eto dei perari etei samuya uiya. ⁷ Eto oroho emo utu te endate amo yako Mama Hotohu mi au yako nombo ji ikau beto dei evekatuya ai midia. Kee ari iji ara simba ora, amide embo pamone Mama Hotohu ku sinjekeora amo bee samuya bee humbatora.