¹ Na saimon Pita Iesu Keriso ta pure ari embo eto peroveta mei amimi avikari ra.Nane mi hove ere kaeto ingo Iesu kee be ari embo mei nango poroveta mi Iesu Keriso kee be eora ainge ai hikitona. monde mamode kee be ari tega tawo awara. Mama Hotohu te apa Iesu Keriso ingana yako, overeketo pusuta puto humbatuya amida basiri koso jai hai. ² Jo ari eto io jai ari amo Mama Hotohu ta kiari eto Iesu Keriso apa inganau, ingana horeketo humbari embo ami dora ³ Mama Hotohu mi dora perari ingana uje eona amo hikitaya . Ai heteto Mama Hotohu ta kiari humbare ingana amida javota irora avikari embo ra. ⁴ Doranja amimi ingana tohota kee bee kee mana mana yene ari kee ara jiya, araembo mo dora no be iajai avikari ara humbatoa ami pusuta sasamuya hotembarita purotuya amo serikatuya. ⁵ Amida be amo mo ari basiri no amo tambuterito atoa no kee be ari ara ao kiora uwe eto no basiri jai ara no kiari jai ta eyo kiore. ⁶ Kiari jai beta tete kitue bouka no amo humbuyo, Mama Hotohu ta ari basiri jai ai. ⁷ Mama Hotohu ta basiri jai ai namei neide jai eyo. Basiri jai namei de atoa tawo ainge amo perarite eyo. ⁸ Basiri perari ere mo hena tukapayei ainge irotuya amo mo mana teo irotoa ate mo indari humbari te Iesu Keriso ta jota iro toa. ⁹ Ate embo basiri ainge irae amo mana kiyo tuya amida be amo embo amo kiti munja samuya eto yene uiya Iesu mi embo amida ari basiri sasamuya ara hegetei irae uiya. ¹⁰ Ara embo nau namei kamei basiri kiti atoa amo Mama Hotohu ta jage kiari embo be eto mo tohota pure ari embo, amo mo basiri sasamuya da beae embo kito. ¹¹ Dei tambu ami dai dora isamanabe amo mangure pee bee ai iji nandoho be, Mama Hotohu ta nao jo bee ai apa Iesu Keriso te tawo iriuwa. ¹² Ara embo na iji nandoho siya be atona kee einge iko ara hari. Mo madu kiari eto jo bee ta midea. ¹³ Na hotembitona amo jai bee na puriya ari embo mei da made jota, ai pure mamandu ara hotembu hotembu ue kee ainge iko ara hari ingari. ¹⁴ Amida be amo na kewona na sari atona iji amo tuwo be uwa madu apa inganau Iesu Keriso mi oi kewona. ¹⁵ Ara embo nau ivo perari amo hove kayarita hiketena awara, ambota na sari ano hotembu hotembu uwe iroha jie. ¹⁶ Nango Mama Hotohu ta pure ari embo mei ami herera amo, Iesu Keriso inganau tuka amo koropa tuka bee eto amo iji tawote yako overeketo pusuta purotuya. amo nagota hotembari mi haera, ate nagota kiti munju mi kevuera apa Iesu ta koropa amo. ¹⁷ Mama Hotohu ingote nau ami Bada te jawo tuka hikitaya eto amida usasa tuka ami siroritaya eto jija amo, emo ne nau mei bera eto na tunga bee humbuona. ¹⁸ Nango eti Hotohu tai apa Iesu te tawo midere, Mama Hotohu mi kee etei hingiara. ¹⁹ Poropete mamadu mi apa Iesu ta jawo ta kee kakaye kari amo kee bee eora. Kee do kakaye kari amo be jigiwo amida be amo dei mumebe tai usasa hikari ra embo pamone keue hambara. Usasa emi usasa uwurou,iyo mainga ainge hingota jo ta eratuya. ²⁰ Dora perari amida tamodai, ine kiota amo kee do tawo poropete mi hari amo mana embo tawo ta hotembari kee aera. ²¹ Amida be amo poropete, embo tawo ta uje kee ara kayari kee haera, mana bee. Embo indawo Mama Hotohu ta Asisi Hotohu humbari ara pere Asisi Hotohu mi Mama Hotohu ta kee hande ara jo hirikeuwa. Ara embo, Mama Hotohu ta Asisi amimi hingote nau Asisi ara hondate uwoi, Mama Hotohu ta kee amo hande eora.