¹ Yino ndjo ntamekro ya mbudi yaYesusa Kristusi, mona karunga. ² Yira momo vavitjanga mumbapira ya Yesaya, ''Kenga ame kuna kutuma ntumi yande kumeho yoye, ogho ngaya wapayiko ndjira yoye. ³ Liywi lya umwe lina kukugho mumburundu, wapeka ndjira yahompa, lya lya kanita ndjira yendi yivyukilire.'' ⁴ Yohanesa opo ayire, yoghnga mu mburundu nakuyuvita liyoyero lyakukushighura mukadongwenenapo ndjo. ⁵ Shirongo mudima sha Yudeya navantu navantje vamu Yerusalema kwendi kavayenga. Kava va kushanga mumukuro wa Yorodani, ku tongonona ndjo davo. ⁶ Yohanesa ka dwatanga shikovera shahuki daNgamero naruvya rwashipapa mumbunda yendi, ntani ghuye kalyanga shimbonde na ushi wampuka. ⁷ Ayuvitire kuhamena, ''Ghumwe ngayo kunyima yende a karo nankondo kupitakana dande, Ame nakuvurashi kunyongamena ni shuture nkaku dakumpandi dendi. ⁸ Ame namu yogha tupu na mema, ano ngoli ghuye ngaya muyogha na mpepo yakupongoka.'' ⁹ Kwa shorokire momo muma yuvha opo ayire Yesusa atunde ku Nazareti muGalileya, ntani Yohanesa ndje amu kushire, mumukuro wa Yorodani. ¹⁰ Apa tupu a tuntukire Yesusa a tunde mumema, a mono liwiru lina kugaunuka ali kugharura ntani mpepo yaku pongoka ayi mushe ghumukiri papendi yira nkuti. ¹¹ Liywi, ali rundu muliwiru, ''Ove ve monande wakuhora. Ame kukuyuva ruhafo unene nove.'' ¹² Makura mpepo mupongoki ayi muyura nakumutwara mumamburundu. ¹³ Uye kwakakalire mumburunu mayuva dimurongo ne, muku musheteka Satana. Ghuye kwakakalire navikorama vya muwiya, ano ngoli va Engeli vamukungire. ¹⁴ Kutunda tupu opo vakwatire Yohanesa, Yesusa aya mu Galileya mukumyuvita mbudi yayiwa ya Karunga. ¹⁵ A ghamba ''Shirugho shinatikimo, ntani untungi waKarunga pepi unakara, Kushighurenu mu pure ku Mbudi yayiwa.'' ¹⁶ Apa ayendire kuntere ya lifuta lya Galileya, amono Simoni na Andriyasi, mughunya Simon kuna kutegha likwe mulifuta, vavo kwaka lire vaka kurovera. ¹⁷ Yesusa a ghamba kwavo, ''Yenu, nkwamenu, ntani ngani mutura mukare vakwati vantu.'' ¹⁸ Mpopo avashuvu makwe ghavo naku mu kwama. ¹⁹ Opo ayendire Yesusa pa shinano shashifupi tupu, amono Yakopo mona Zebede namu Unyendi Yohanesa, vavo kwa kalire muwato kunakuwapayika makwe. ²⁰ Ava yita makura ava shuvu shavo Zebede muwato navaruwani, ava kamu kwama. ²¹ Makura ava ya mu Kaperinaghum, mu sabata, Yesusa ayendi mu Sinagoge nakuronga. ²² Vavo va tetukire ku lirongo lyendi, ghuye kwava rongire yira umwe ogho aka lire na unankondo ene ngoli kapi yira valirongi matjangwa. ²³ Mpopo tupu ngoli makura murume wamu Sinagoge yavo a karo nampepo dadi dona ayiyiri, ²⁴ Ghuye aghamba, ''Vinke tu vhura kuruwana nove, Yesusa waku Nazareth. Kwa ya uya tu djonaure? Nakuyiva Ashi ove are. Ove mupongoki waKarunga!'' ²⁵ Yesusa a hurukiri demoni nakughamba, ''Mwena ntani rupukamo mwendi!'' ²⁶ Mpepo dadidona ghadi muvhukuma nakumu ganda nakutunda mo mwendi uye kuna kuta kuma na liywi lya linene. ²⁷ Vantu navantje kwa tetukire, ava kupu raghere vavene, ''Vinke vino?'' Lirongo lyalipe nankondo! Uye kurawira nampiri mpepo dadidona ku mu limburukwa! ²⁸ ''Mbudi yakuhamena kwendi yakuhanine kehe kuno mu lidingonoko mukunda lya Galileya. ²⁹ Kunyima ya kurupa mu Sinagoge, ava ya mu mundi wava Simoni na Andriyasi kumwe na Yakopo na Yohanesa. ³⁰ Makura vangumweyi va Simon kwa ralire, vavo nakuvera lishakima, ava mutantereko Yesusa vyaku hamena kwendi. ³¹ Makura aya, amu kwata kulighoko, nakumurambwita, lishakima ali mutundu a katameka kuva ruwanena. ³² Kungurova ndjoyo kunyima yakutoka liyuva, ³³ Doropa nayintjeya vamuyitire nakuponga pa livero. ³⁴ Ghuye averukitire vavangi ovo vakaliro namaghure ghakuku shuva-shuva ntani atjidirenka demone dadingi, ene ngoli kapi apulitire demone di ghambe mora damuyiva. ³⁵ Aku vinduka kurambuka, oku shimpe mundema, mpo atu ndirepo nakuyenda kuli vango lya hana vantu aka raperere. ³⁶ Simon ntani nava akalire nava akalire navo ava mushana. ³⁷ Apa vaka muwana, ava ghamba kukwendi, ''Kehe uno ove ana kushana.'' ³⁸ A ghamba '' Tu yendenu tu rupuke kehe kuno, kudoropa da pepi, nako nka nika yuvitireko. Mukonda ashi mbyo nayera kuno.'' ³⁹ Ayendi mu Galileya nayintje, nakuyuvita mu Sinangonge davo nakutjida mpepo dadi dona. ⁴⁰ Munavingondwe aya kwendi naku kushenga kwendi nakughamba, kukwendi, ''Ntjene unavipanga, kughu ndenka nikene.'' ⁴¹ A yendi nankenda, Yesusa a ghorora lighoko lyendi nakumukwata a ghamba kwendi, ''Na vi panga kara una kene.'' ⁴² Mpopo tupu vingondwe avi mutundu ntani akene. ⁴³ Yesusa amu rondora nakumu tuma kwa peke. ⁴⁴ Aghamba kukwendi, ''Nakadidishi uvi tantere kehe uno, ano ngoli yenda, ka kuneghede naghumoye kwamu pristeli, uka tape ndjapo yalikenito eyi amu tulirapo Mosesa, oyo yakutapa umbangi kukwavo.'' ⁴⁵ Ano ngoli ghuye kwa yendire atameke kuyi hanita mwamunene mbudi, ovyo vya renkitire Yesusa dogoro apire kuyenda mudoropa, ano ngoli a kara tupu kumavango ghaku dimukunda, ano ngoli vantu shimpe ava ya kukwendi kutunda naku ntjeya.