¹ Weno shana kuya Hompa wetu Yesusa Kristusa ntani nakushana kuponga kumwe tupu muku kara kumwe naye, tunakara nalikuturomo kulimoneko lya koye, ² ashi kapishi ureru likunyungo vya muvighayara ndi mumaudito, ndi po pa mpepo ndi pa mbudi, ndi pa ntjangwa tuma mbapira oyo yinakumoneko ashi yayo kuna kuya kukwetu, vasha mutjilita ashi linyuva lya hompa lyaya kare. ³ Pakare ashi naghumweshi ogho nga pukito mukehe ndjira. Kapi ngaviya dogoro kunyima opo ngashikaya ntani mukafumu wakuku rangurura vanamurupwita, mona wakudjonaura. Vininke vya mulyo navi vya kukakuru vya va Gereka vavukita nakuvarura, ntani mikafumu wa ndjo vana murupwita. ⁴ Evino mbyo akukananitire nakukuyerura mwene nakunyenga navantje ovo vatwenyango Karunga. ndi ovo vamukarerango. vitundwamo, ghuye kwa shungilire muntembeli ya Karunga nakunegheda mwene yira Karunga. ⁵ Kapi muna kuvuruka ashi shirugho osho naya kalire nanwe namutantelire vino vininke? ⁶ Weno muna yiva vinke vya mukwatiro ghuye. ⁷ Mposhi ghuye ngava murupwita pa shirugho sha uhunga. Kuvininke vya kupira kuiyiva vya kuku rangurura vyavyo kuna kuruwana, nkwandi mpwali ghumwe ogho ana kumukwatitako ghuye weno dogoro, ngava mughupemo mundjira. ⁸ MAkura kovo vadira kupura kumwe ngava murupwita, ogho Hompa Yesusa ngava mudipagha na muku shetera kwa mukanwa ngaku kamuyitira navimweshi pakumurupwita ghuye pakuya. ⁹ Kuna kuya vyakupira kupura ghumwe ngaya ruwana viruwana vya Satana, Nankondo dendi nadintje, naviyivito nama kupuliro gha vipempa, ¹⁰ ntani nama rupe gha mpepo dadinona odo ngadiya pukito vafe, mukonda ashi vavo kapi vatambura shihoro sha ushili ntani naku shipungura. ¹¹ mukonda yavino Karunga nakuva tumina nkondo dadinene da kuya pukita nakuya pura vya ma pempa ¹² muku renka ashi navantje ovo vadiro kupura ushiri, vavo mbyo va hora vya kupira kuhungama ngavava vapangure. ¹³ Ano ngoli twa hepa kehe pano kutapa mpandu kwa Karunga ku kwenu, vaunyetu mwa horo Hompa, mukonda ashi Karunga atoghorora shiyimwa shendi sha kuhofa muku shipungura mughupongoki wa pa mpepo nakupura mu ghushiri. ¹⁴ Vininke vimwe vya mulyo ntani nevi vya kukakuru vya va Gereka vavukita vavaruli vya Karunga akuhoroghoro mulighoko lya kuhoverera. Ghuye akuyitire kupitira mu mbudi yayiwa, mposhi nga ghu kawane ghuyerere wa Hompa wetu Yesusa Kristusa. ¹⁵ Makura, vaUnyande, kukorerenu nakukukwaterera pa mpo oyo vamu tantelire vikare ashi munkango ndi mu ntjangwatumwa yetu. ¹⁶ Weno Hompa wetu Yesusa Kristusa na Karunga wetu Shetu, ogho atuhoro atwe ntani atapa liparu lya liwa ntani nalihuguvaro lya liwa kupitira mu nkwnda, ¹⁷ Yererepekenu na kunkondo peka dimu tjima denu ,wa kehe ghuwa wa viruwana na nkango.