ulni baiki sankanka tara 6
1
Bahamna, kaisa yawan wan kainara wap, upla tanka brabrira baku impakaia krais smalkanka nani blahsi piwara smalkan ba Jisas wan ninata swih. Playa bapanka nani ba, yawan kli wala bapaia apia sa. Baha sika yawan wan worka tanka ba mita prura ra wan brih wan ba wan kasak ka lukanka dawan wina.
2
Tahbi daukanka laka smalkanka nani kasakira nanira aimihta manki pura sunaia laka nani, kli raya takaia pruwan wina, dawan bankiara ban kaia laka daukaya ba sin apia.
3
Yawan lika alki daukaia wan kainara dawan wan bri kaka.
4
Kan baha nani isti kauhwi ba, dawan ra bal, nahki sip kabia ki kli balaya dawan ra, pat witin dawan wina prisant pain kira ba tanka brin, kasbri ka parara yamni ka ba, spirit hulikira ba plun baku painka kan ba.
5
Sakuna ya pain aitanka brin nani ba dawan bila wina taim karna aula nani ba naika piuwara.
6
Baha nani dawan wina lauhra wan nani ba, karna palisa kli brih balaia aima wala dawan ra. Baha tanka sa Jisas krais ra kli dusprihnira pamisa, upla tak mawanra suira laka tara paskisa wan daukan ka ba bui.
7
Tasba purara li auhwi ba, tasba ra ba utwi be, li auhwi bani. Baha ba rayaka yabisa plun ma nanira, baha nani tasbara work taki nani be yamni nani manas sakisa dawan wina.
8
Bara kiaya nani an rahra nani sakisa kara baha tasbaikaba, baha warka ka ba lika bahki sai witin lika dawan wina lahtuban sa. Las piwa lika pautara ankan kabia.
9
Sakuna muihki laituan kira nani, yan nani baku aisi kamna, man nani dukiamra lika diara pain baman lukisna kau yamni pain nani swaki sakan wal aula ba brima.
10
Dawan ba kasak kira sa. Man wark kam tanka latuankira daukram ba walkan nanira kumi sin ai auya tikbia apia man nani kumi bani ninam kat naiwa kat kau warkka daukisma.
11
Bahamna yan nani brinki palisa man nani kumi bani sin lukanka brima tnata kat, baha bila kai kan ka tara yawan aiska ai waki ba.
12
Sakuna yang want apias na, man nani sringwankira kama, sakuna man nani lika wala diara dauki ba kaiki alki daukaia, baha nani kasak lukan y wihka bila kaikan brih uplika nani ba wina, dawan bui yaia pramiska prapatika bri nani baku, man nani sin aiwaki kama.
13
Ban sakuna dawan bui Hibraham ra pramas munan taim, witin swir takan aiwina kat, witin upla wala apu kan wala dukiara an kau tara wala ra swir takaia.
14
Bara witin bila: YANG PRAMAS maimunisna yamni maimunamna, an kaiamkam nani sin ailal sin mmaikamna.
15
Hibraham wihka bila kaikan dawan la diara yabaia pramas munan ba, bara dawan mihta yaban ai pramas kaba. Dia aisan bakat.
16
Upla kum ba swir takisa bara, witin purkara upla wala kum kau tara nina maki suir takisa. Baha mapara kau blahwan ka kumi sin apu sa.
17
Dawan want baha nanira diara pramas munan ba prapati ka nani ba klir pali kabia dia daukaia luki ba pitka kat kau pura lukras, aikupia laka bakat doukaia. Baha mihta witin ai pramiska ba swir taki kira daukan.
18
Baku bamna prapati satka wal bara sa dawan daukan. Sip sins munras pali, baha dukiara dawan kunin aisaras. Yawan dawan karnikaimihta hilp wan munan, yawan tanka briasa lilia takisu wan kupia ra, bara bila kaikanka tara brisa dawan mihta pramas wan munan ba briaya.
19
Yawan wan kainara prapati briaia laka briba mihta, won solka ba ban bapi brisa sin ingar mankan baku, wan solka ba dimi wisa kau bilara mawan prakan mawalara man wina kai kaia sip apia bakat.
20
Sakuna Jisas dimi wan, baha pliska ra yawan dukiara, pris Milquisidik adarka swin be baki wih, Jisas lika pris tara takan ban taiara ban kaya sa.