2 ¹ Pagkatapos si Jonah ay nanalangin sa Diyos niyang si Yahweh sa loob ng tiyan nang isda. s. ² Aniya, "Tumawag ako kay Yahweh tungkol sa aking paghihirap at sinagot niya ako; mula sa tiyan ng Sheol at humihingi ako ng tulong! Narinig mo ang aking tinig. ³ Itinapon mo ako sa kailaliman, sa puso ng karagatan, at ang alon ay pinalibutan ako; lahat ng iyong mga alon at humahampas na alon ay inibabawan ako. ⁴ At aking sinabi, 'Pinaalis ako mula sa iyong paningin; gayunpaman ako ay muling tatawag sa iyong banal na templo.' ⁵ Nilukuban ako ng mga tubig hanggang sa aking leeg; nakapalibot sa akin ang kalaliman; nakabalot sa aking ulo ang damong-dagat. ⁶ Bumaba ako sa mga paanan ng kabundukan; ang lupa kasama ang mga rehas nito ay lumukob sa akin magpakailanman. Gayunman iniangat mo ang aking buhay mula sa hukay, Yahweh, aking Diyos! ⁷ Nang nanlupaypay ang aking kaluluwa, naalala ko si Yahweh; pagkatapos dumating sa iyo ang aking dalangin, sa iyong banal na templo. ⁸ Ang mga nagbigay pansin sa mga walang kabuluhang diyos ay tinatanggihan ang iyong katapatan para sa kanilang sarili. ⁹ Subalit para sa akin, mag-aalay ako sa iyo ng isang tinig ng pasasalamat; tutuparin ko kung alin ang aking ipinangako. Ang kaligtasan ay nagmumula kay Yahweh!" ¹⁰ Pagkatapos nangusap si Yahweh sa isda, at iniluwa nito si Jonas paitaas sa ibabaw ng tuyong lupa.