¹ Kehe ghuno muntu akona kulimburukwa kulipangero olyo lyamu pangerango, Mukonda shi kehe lino lipangero lyakaropo kutunda kwaKarunga. vapangeli vano vana karopo Karunga ava truropo. ² Kehe ghuno wakukulimba nalipangero olyo aturapo Karunga; ntani vakuruwana vino kukutwara vene mumpanguro. ³ Mbyovyoshi vapangeli kapi vakarerera po ashi vatjilite ovo varuwanango ghuwa, vavo kwakarera po ovo varuwanango ghudona. Kapi ghuna horo kutjira lipangero ndi? ghuna kona kuruwana ghuwa, makura ngavakupandayike. ⁴ Vavo varuwani vaKarunga ovo ghatuma vayamupopere. ngoli ntjene aghuruwana ghudona, ghuna hepa kukara naghomamukonda shi kapi ashimba rufuro maghoko-ghoko. Lipangero ne mukwafi waKarunga, Ntani lyalyo kutengeka vakuruwana ghundjoni. ⁵ Mpo ngoli shi ghuna hepa kulimburukwa, kapishi mukonda yalishandu lyaKarunga tupu, nani ngoli mukonda yaliywi lyoye lyamumutjima. ⁶ Mukonda ndjoyino muna hepa kufuta mutero nka. Vapangeli mbo varuwani vaKarunga, vana hepa kutikitamo shiruwana shavo ntani. ⁷ Tapenu vihepa navintje kwavo vyatumbukira: mutero kwavo vamutero, mutero wapa murwani kuvafutira vagho, tjirenu ovo vawapero kuvatjira, fumadekenu vakamakuto. ⁸ Kapishi mukare na makongo ghavantu, nkwandi ghashihoro, kuhora-horenu. Mbyovyoshi kehe ghuno wakuhora ghunyendi kutikitiliramo veta. ⁹ Veta yaKarunga kuna kutanta ashi, ''kwato kushondera, kwato kuidipaya, kwato kuvaka, kwato lidovo,'' odino veta kumwe na veta nadintje nkoku dakahura kwadi kwatakana mu veta yino ashi, ''Hora ghunyoye yira momu wakuhora na ghumoye.'' ¹⁰ Kehe ghuno akaro nashihoro navaghunyendi ghuye na kuvhurashi kuvaruwana ghudona. Mpo ngoli ashi, shihoro kwatikitiliramo veta nadintje. ¹¹ Mukonda ye vino, wayivaviri, munayiva ashi shirugho munke shino, ntantani shirugho shinatikimo weno mposhi munakona kurambuka muturo twenu. Shirugho shaliyoghoko lyetu kuna kutikamo shina pitakana opo twa hovire kupura mwaHompa. ¹² Matiku kuna kupita. makura liyuva lipume. Tutundenu ngoli kuviruwana vyamumundema, makura tudwatenu virwito vyamughukenu. ¹³ Tuyendenu mughukaro wauhunga, yira momu vawapera vantu vakuyendera mughukenu, kapishi mukare makurunwa na makurulya muvipito, kapishi mukare vankorwe; kapishi mukare na rushonda, kapishi mukare na lidovo, ndi kapishi mukare na dimutangu ndi na mfudu. ¹⁴ Ano ngoli anwe karenu mwaHompa wetu Jesus Kristus, ntani anwe mwasha pulitira marutu ghenu, akare na lidovo.