¹ Paurusa, ogho ghatorora Yesus Kristusi akare muApostoli muvipanga vyakarunga, naSostenes vaghunyetu, ² Kungereka yaKarunga muKorinte, ovo vahoroghora mwaYesusi Kristusi vakare vapongoki, kumwe nakukwenu muna karo kumavango naghantje kovo varapererango mulidina lya muyogholi wetu Yesusi Kristusi, muyogholi wavo nawetu. ³ Nkenda nambili yakutunda kwaKarunga Shetu namuyogholi wetu Yesusi Kristusi yikare nanwe. ⁴ Ame kutapa mpandu kehepano kwaKarunga wande kukwenu mukonda yankenda yaKarunga mwaYesusi Kristusi oyo ghatapa kukwenu. ⁵ Ghuye ana mungawopeke mwanavintje, muvighamba namughukonentu, ⁶ Morwa ghumbangi wakuhamena Kristusi ghuna tikiliri mo mumwenu. ⁷ Mposhi anwe kapi muna pumbwa maghushwi ghampepo shirugho shino muna kara mulitaterero ngava shorore muyoli Yesusi Kristusi. ⁸ Ghuye ngaya mukorangeda mukare nalipuro lya linene dogoro kughuhura, mpoishi ngamu kare mwahana kukara nandyo kuliyuva lya kuya muyogholi wetu Yesusi Kristusi. ⁹ Karunga kwamuhuguvara tupu, ogho amu horoworo mukare muli kukwatakano namonendi, Yesusi Kristusi muyowoli wetu. ¹⁰ Ame kuna kumukorangeda, vaghunyande, mulidina lya muyogholi wetu Yesusi Kristusi, ashi mukare nalikuyuvho mpo ashi mukare naghukumwe mukatji kenu. Ame kuna kumukorangeda mukukwata kane kumwe mumaghano namuviruwana. ¹¹ Kani wana mapukururo ghakuhamena kukwenu, kuva ghunyande valipata lya korowe ashi muna kara dimutangu mukatji kenu. ¹² Kuna tamba vino: Weni omo ghuvhura kughamba ashi, '' Ame waPaurusi,'' ndi '' Ame waApolosi,'' ndi '' Ame waCefasi.'' ¹³ Nani mwaKristusi mwakutavakana? Nani Paurusi ndye vapamperera kushikruse shenu? Ndi anwe kwawana liyoyero mulidina lya Paurusi''. ¹⁴ Ame napandura Karunga ashi kapi nakushapo ghumwe mukatji kenu, nkwandi Krispusi naGayiusi tupu. ¹⁵ Vino vimulimbe kutanta ashi anwe kwamukushira mulidina lyande. ¹⁶ (Ame waro nakushanka vamulipata lya Stefanas. Kutunda po, kapi nakuvhuruka vamwe ovo nakusha nka.) ¹⁷ Morwa Kristusi kapi antuma niya kushe nani mukuyuvita mbudi yayiwa-kapishi nankango daghukonentu, manashi ngadi ghupa ghuna nkondo mfa dakuSikruse shaKristusi. ¹⁸ Morwa mbudi yamfa dakushilivindakano Ugova kwavo ngava kakombano. Ngoli kukwetu atwe vayowora, yayo ghunankondo waKarunga. ¹⁹ Morwa kwatjanga ashi, '' Ame nganidyona ghura ghuna ndunge wavakonentu. makura ngani hanaghurapo una ndunge wava nandunge''. ²⁰ Kuni vana kara vakonentu? Kuni vana kara varongi matjangwa? Kuni nko vaghambi vavanene vamughudyuni? Nani Karunga kapi apirura Ukonentu wamu Udyuni ghukare ghu gova? ²¹ Mbyovo ashi Ukonentu wamu Udyuni wakulimba naKarunga, Karunga vyamuhafita mukuyowora vantu ovo vapuro mbudi yaUgova oyo twa yuvhitanga. ²² VAyuda kwashana vamone vitetu ngoli vaGereka kwashana Ukonentu. ²³ Ngoli atwe kuyuvita kuyuvita Kristusi ogho vapamparera kushilivindakano, mbudi yakulimbika vaYuda nava Gereka. ²⁴ Ngoli kwavo ahoroghora Karunga, akare muYuda ndi muGereka, Atwe kuyuvita Kristusi ashi ghuye Unankondo naUkonentu waKarunga. ²⁵ Mukondashi Ugova waKarunga wakara naUkonentu wakupita kana vantu, ngoli upiri nkondo waKarunga kwakara nankondo dakupita kana davantu. ²⁶ Monenu vyamulihoramo lyenu vakwetu. Shingi shenu kapi mwahungama pamarutu. Shingi shenu kapi mwakara nankondo. Shingi shenu kapi mwakara namfumwa opo vamu shampuruka. ²⁷ Ngoli Karunga kwahoroghora vagova vamushironga afite ntjoni vakonentu vamu Udyuni. Karunga kwahorowora vakupira nkondo vamu Udyuni afite ntjoni vana nkondo. ²⁸ Karunga kwahororghora vahepwe ntani navo vapiro kufumana mughudjuni. Ghuye kwahoroghora vininke vyahana mulyo, vahanaure po ovyo vyakaro namulyo. ²⁹ Ghuye kwarughana vino mpo ashi kapishi paghumwe ana kukunenepeko kushipara shaKarunga. ³⁰ Mukonda yaviruwana vyaKarunga, weno muna kukwata kana naYesusi Kristusi, ogho akaliro Ukonentu wetu wakutunda kwaKarunga ghuye akare muhungami wetu, mupongoki namuyogholi wenu. ³¹ Mpo ana kutanta matjangwa ashi, '' Ogho ana kukunenepeko, akunenepekere vyamwa Hompa''.