लिउ ६
1
खो त्येसुर् गाल्सिमा दाक्पि युला लेसुङ, तेमे लोप्टुक तिविकि खोला तिङ् ङ्यासुङ।
2
ङा स्वप् ङिमा लेप्सिमा खोकि जोम्खाङ्ला लाप्सुङ। मेरा आलाकि खोकि येन्देन ङेनि याम्छेन लासुङ। तिविकि सिक्यासुङ, "दिकि दि येन्देन तिवा केन्सुर ङेसुङ? दिला चिनक येन्देन बिन्दुप् नक्? दिकि लाक्पि क्याबु दि लाका तिवा याम्छेन लाङ्गुप् लाका तिवा हिन्?"
3
"काङ दि शिङि लाका किरुप् मि मिन्? काङ दि मरियम कि पुज्युङ, तेमे याकुब, योसेफ,यहुदा ताङ सिमोन कि उज्यु मिन्? काङ दिकि नुम तिवा ङेराङ तानि मेत्?" तिवा येशु नेसुर् सेम्दुक क्यासुङ्।
4
येसुकि तिवाला सिक्यासुङ,"मेराचिग लुङ्तेम्बाकि दाक्पि युल् दाक्पि मि ताङ दाक्पि खाङ्बि मि सिना ज्येन केनिङ ताङ्देन् च्युङुउइ।
5
त्ये लाला नाबु मि तिवाला लाक्पा ज्याङ्नि टेक् ज्यिदु सिना ज्येन काङ काङ ङार वतुप् लाका कि माथु।
6
तिवि रेत्पा मेतुप्कि किसाला खोला याम्छेन जोसुङ। तेमे खो युल तिवा काङ येन्देन तेरिन युसुङ।
7
खोकि मेरा च्याप्ङिला का ताङ्सुङ, मेचेङि थु तिवाला का बिन्सुङ तेमे मेरा ङि ङि क्यानि तिवाला ताङ्सुङ।
8
खोकि युकुप्ला ग्युक्पा सिना ज्येन श्यिवाङ्, रुप्श्यक, केल्दाङ्ला टाङा काङ खुर माचि।
9
खोकि काङ्श्युग ताङ ङिचक माज्या माकोन सिनि टो बिन्सुङ।
10
खोकि तिवाला सिक्यासुङ,"तजोला खिराङ लालि खाङ्बाला श्युगु, ति दासा माताङु साक त्येराङ देत्।
11
हुतुङ चिन्दिङ् युलकि खिराङ्ला गासो माश्युसिन ति दासा तोङ, तिविकि किदुक्ला सिनि दाक्पि काङ्बि तिङ्बि थाला रुनि बिन्।"
12
तिवा त्यासुर् फिला गाल्नि मि तिवाला दाक्पि दिक्पा नेसुर् ग्युर्नि हुङ गोक्यु सिनि सिक्यासुङ्।
13
तिविकि आला ह्रेन्डि तिवा तेन्सुङ, आला नाबु मि तिवाला नुम मार्बु थनि (अभिषेक ) क्यानि टेक चिसुङ्।
14
हेरोद ग्याल्बिकि दि कोसुङ, चिला सिसिन येशुकि मिन ति तेरिककि छ्या ङेतुप् गाल्नक्। लालाकि सिइ नक्,"बप्तिस्मा तेरुप् युहन्ना श्येप् नेसुर् सेन्बु लासुङ। तिकि किसाला, दि याम्छेनकि लाका तिवा खो नेसुर् च्युङिन् वे ।"
15
ज्येन तिवि सिक्यासुङ्,"दि एलिया हिन।", हारुङ ज्येन तिवि सिक्यासुङ,"दि ताङ्बकितुज्येकि लुङ्तेम्बा नाङ्ने मेराचिक हिन।
16
तजोला हेरोदकि दि कोसुङ, तिकि सिक्यासु,"युहन्ना, तिकि दि ङेकि गो दुप्चिदु हिन, तिवा लोङ्या सेन्बु लानक्!"
17
चिला सिसिन हेरोदकि युहन्नाला हेरोदियास कि किसाला जिम्नि चोन्खाङ्ला उपचिसुङ, चिला सिसिन तिकि तिला ज्येन्दि क्याबु नक्।
18
चिला सिसिन युहन्नाकि हेरोदला सिक्यासुङ,"दाक्पि नुककि पेर्मि ज्येन्दि किरुप् लेनु मेङुइ सिनि सिक्याबु नक्।"
19
हेरोदियासकि मि रिन्दुप् मि ज्यागु नक् तेमे तिला सेतुप् सेतुप् छोलिन नक हिन्सिनाङ से माथुनक्,
20
चिला सिसिन हेरोद युहन्ना तानि जिवा किरुप् नक्, ति धिक्पा मेतुप् ताङ चेङि मि नक् सिनि तिला छ्या नक्, तेमे हेरोदकि तिला च्याङ्से ज्याक्सुङ। तिकि येन्देन ङेन्सिन् हेरोद सेम्ला दुक्पा च्युङिनक् हिन्सिनाङ गा किइ ङेन्ग्यिनक् ।
21
ति तिङ्ला लेमु तज्येचिक् ङेसुङ। हेरोदकि खोङ केबु ङिमाला दाक्पि खर्बु खुरुप् तिवा, माक्मि छ्ये तिवा ताङ गालिलकि गमा किरुप् मि तिवाला सामा बिन्सुङ।
22
हेरोदियासकि पुम दाक्पुराङ् लेम्नि तिवाला सिनि छ्याम्नि तिकि हेरोदताङ तिकि डेन्बु तिवाला गा लाङ्सुङ। ग्याल्बुकि ति पुमाला सिक्यासुङ,"ख्योरुङ्ला काङ नावा वे ति लोङ, ङा ख्योरुङ्ला तेर्क्यु।"
23
तिकि ना क्याल्नि सिक्यासुङ,"ख्यरेकि ङा तानि काङ लोङु, ङा ख्योरुङ्ला ङे फेचो ग्याल्खाप् हिन्सिनाङ तेर्क्यु ।"
24
ति फिला थेनि दाक्पि मामा ला सिक्यासुङ, ?ङा ति तानि काङ लोङुजा?" तेमे तिकि सिक्यासुङ,"बप्तिस्मा तेरुप् युहन्नाकि गो।"
25
ति श्यारि ग्याल्बि चाला लेम्नि दुक सिइदाङ लाङ्सुङ,"ङाला श्यारि बप्तिस्मा तेरुप युहन्नाकि गो सिनि ङा नावा किउइ।"
26
ग्याल्बुला आलाराङ दुक्पा लासुङ, हिन्सिनाङ दाप्कप डेन्बु ताङ ना क्यालुकि किसाला ग्याल्बुकि तिकि ताम च्ये माथु।
27
तिकि किसाला, ग्याल्बुकि दाक्पि ह्रिन्दुप् तिवि नाङ्ने मेराचिक माक्मिला युहन्ना कि गो खलेक सिनि का बिनि ताङ्सुङ। माक्मि गाल्नि चोन्खाङ्ला तिकि गो तुप्सुङ।
28
माक्मिकि देर्माङ्ला तिकि गो खनि ति पुमाला बिन्सुङ, ति पुमाकि दाक्पि मामाला बिन्सुङ।
29
ति कोनि युहन्नाकि लोप्टा तिवा लेम्नि खोकि रोति तुर्साला खुर्नि ज्याक्सुङ।
30
तेमे लोमा तिवा खोकि चाला फारछुर जोम्सु, तिविकि क्याबु लाबु तेरिक ताम तिवा खोला सिक्यासुङ।
31
खोकि तिवाला सिक्यासुङ,"खिराङ सुङ मेतुप् दासाला लेम्नि उकुरजिक ङा सोसा।" चिला सिसिन मेरा आला हुङ्गुप् ताङ ड्वप् किइ नक्, तिवा तानि सामा साप तुज्येङ मिदुक्।
32
तिकि किसाला तिवा टु जेनि सुङ मेतुप दासानेवा गाल्सुङ्।
33
हिन्सिनाङ तिविकि खो तिवा डोइ वतुप् थोङ्सिमा खोतिवाला ङो श्येसुङ तेमे तिवा राङ्सा लाम नेसुर् छ्यानि तिवा सिना साङ गमाला ति दासाला ख्योल्सुङ।
34
तजोला तिवा ग्यम्छोकि नामुला ख्योल्सुङ खो गेर्पु मि छबु थोङ्सुङ, खोकि तिवाला टिसुङ चिला सिसिन तिवा ति लुग्जि मेतुप् लुक दगे नक् । तेमे खोकि आला ताम तिवा लोपु ज्युसुङ।
35
तेज्ये फिसिमा खोकि लोप्टा तिवा खोकि चाला लेम्नि सिक्यासुङ" दि सुङ मेतुप् दासा हिन, तुज्ये गाल्नि सिन्दुप् वे ।
36
तिवाला तोङ तिवा चाकि युलनेवा गाल्नि तिवाला सिनि काङ साप सामा तिवा ङ्यो तुसित्।
37
तजोला खोकि खालेन क्यानि तिवाला सिक्यासुङ,"खिरेकिराङ तिवाला काङ सामा बिन्।" तिविकि खोला सिक्यासुङ,"काङ ङेराङ टाङा ग्या ङिकि सिवाङ् ङ्योनि साजित्जा?"
38
खोकि तिवाला सिक्यासुङ,"खिराङ् तानि सिवाङ जो वै? गाल्नि ल्हो।" तिविकि छ्या ङेसिमा तिविकि खोला सिक्यासुङ्"ङाचक सिवाङ ताङ ङिचक ङ्या वै।"
39
खोकि तेरिक् मि तिवाला चे खाला जोल्मु जोल्मुला डिङ्नि देतुप्ला का बिन्सुङ।
40
तिवा ग्या ताङ खाल्ङि च्यु कि जोल्मु ला देसुङ।
41
तजोला खोकि श्यिाङ ङा ताङ ङ्या ङि लानि देवाचेन नेवा ल्हानि मोलाम बिन्सुङ तेमे रि च्याङ्नि ति जोल्मु मि तिवाला गो बिन् सिनि लोप्टा तिवाला बिन्सुङ । तेमे खोकि ङ्या ङि तिङ तेरिक् मि तिवाला गोनि बिन्सुङ।
42
माडाबु साक तिवा तेरिककि सोसुङ्।
43
तिविकि श्योम च्युप्ङि छ्याक्पा शिवाङ् ताङ छ्येत्पा ङ्या तिवा रुसुङ।
44
त्ये सिवाङ साप् तिवा तङ्डा ङा मक्।
45
खोकि लोप्टा तिवाला टुला जेक् चिसुङ तमे खोकि छक्पा मि तिवाला बेथसेदाकि फार्केन् छ्यला खो सिना गामाला डो चिसुङ।
46
तिवा गाल्सिमा, तितिङ्ला खो गाङ नेवा मोपार किरुप् गाल्सुङ।
47
नाम रोसुङ,तजोला टु ति ग्याम्छिकि पार्ला नक तेमे खो साश्यिला चिक्राङ नक्।
48
तिवाला टु थतोङ्गुप्ला दुक्पा श्योरुप् ति खोकि थोङ्सुङ, चिला सिसिन लुङ ति तिवि राङ्सा छ्य नेसुर् हुङिन् वतुप् नक्। नुप्कि नामफेकि तुज्येला खो ग्याम्छोकि खाला युनि तिवि चाला लेसुङ, तेमे तिवाला ग्यालुप् सिनि नावा क्यासुङ।
49
तजोला तिविकि खोला ग्याम्छो खाला युगिन वतुप् थोङ्सुङ, खो ह्रेन्डि नक् सिनि तिवा जिवा कारे क्यासुङ,
50
चिला सिसिन तिविकि खोला थोङ्नि जिवा क्यासुङ। तेमे खो श्यारि तिवा तानि ताम क्यानि तिवाला सिक्यासुङ,"सेम क्योङ्बु जो। ङाराङ हिन्। जिवा माकि।"
51
खो तिवा तानि टुला जेसिमा लुङ हुङु ज्युसुङ। तिवा तेरिकला आला याम्छेन लासुङ।
52
चिला सिसिन तिविकि सिवाङ्कि तेन्दक काङ हिन सिनि छ्या माङेबु नक्। तिसिना तिविकि दाक्पि सेम क्योङ्बु जोबु नक्।
53
तिवा फार्केन ख्योल्सिमा गनेसरेतला लेसुङ, तेमे टुला त्ये ख्येसुङ।
54
खोतिवा टु नेसुर पाप्सिमा तिविकि खोला श्यारि ङो श्येसुङङ्।
55
तिवा तेरिक् दासाला गाल्सुङ, खो चिन चिन दासाला हुङिन् वे सिनि तिविकि छ्या ङेसुङ त्ये त्ये तिविकि नाबु मि तिवाला दासा तानि राङ खुङु ज्युसुङ।
56
खो क्येन क्येन युल तिव, ग्यासा तिवा, लेमु माजोबु दासा तिवा च्युङ्नि ड्वप् नक्, तिविकि नाबु मि तिबाला ग्याम्छोकि चाकि दासाला ज्यकुप् नक्, तिविकि खोकि माज्यि नामु क्याजिक् रेकुप् ङेसित् सिनि श्युवा किरुप् नक्। मेरा चोकि रेक्सुङ तिवा टेक्कुप् नक्।