लिउ ८
1
ता ङिरेकि सिक्याबु ताम् ति दिराङ् हिन्। ङिराङतानि क्ष्योने गेर्पु च्यिक् हये खो देवाचेन् कि याबि छ्यला देक्यु।
2
मि तिबिकि जोबु मिन्, कन्ज्यक् कि जोबु चिला चेङ्ङे दासाला खो याक्पु च्यिक् हिन्।
3
सिसिन् तेरिक् क्ष्योने गेर्पु तिबा ति बुल्वा ताङ् जिन्बा तिबा तेरुप् ला जोबु हिन्। तिकि किसाला खाङ्खङ् तिबा तेर्गोक्य।
4
ख्रीष्ट जाम्बुलिङ्ला हतुप् हिन्सिन्, खो तेरिक्कि लवेन् म्येङ्ङु। चिला सिसिन् तेया टिमनेसुर बुल्वा तोङ्ङु तिबा हये।
5
तिबिकि देवाचेन् कि ताम् तिबिति लामुसेतुप् ताङ् रिप्च्याङ्कि याक् क्याजिक् किउ। मोशाकि देसा दासा जप् तुज्येला कन्ज्यक् कि तिला जिबा कुसुङ्, कन्ज्यक् कि सिक्यासुङ्, ङेकि लाला छ्यातेदुप् याबु तिला ल्यानिते ख्यरेकि तेरिक् जोसा।
6
हिन्सिराङ् हादा ख्रिष्ट कि क्याबु यक् ति तेरि निना ल्यामु हये। चिला सिसिन् खोकि कुङ्ला देनिते क्याबु टिम तेरि सिना ल्यामु हये, तरि सिना ल्यामु नाला टिम् क्याङ्नि हये।
7
चिला सिसिन् तङ्ङि ना तिला केन् मेतुप् हिन्सिन्, ज्यार्मा ना मोगोबु हिन्।
8
चिला सिसिन् कन्ज्यक् कि मितिबिति केन् थेप्सिमा, तेमे खोकि सिक्यासुङ्, “लोसा, कन्ज्यक् कि सासुङ, ति ङिमा ति हुङ्ङिन् किउ, यहुदी ताङ् इझ्राएलकि खाङ्बा तानि साम्बा टिम जेउ।
9
दि ठिम् ङे कि खिरे पाप्गाबा तिबा तानि टाबु दगे मिन्, ङिन्चिक् ङे कि तिबाला तिबि लाक्पाला जिम्नि तिबाला मिस्र लुङ्बाला टिनिते गालिन्। चिला सिसिन् तिबिकि ङे ठिम् ला तिङ्माग्याप्, तेमे कन्ज्यक् सिउ, ङे कि तिबाला माल्हा।
10
कन्ज् कि सिउ, ति तिङ्ला ङा इझ्राएल कि मितिबा तानि ना केल्ग्यु। ङा ङे ठिम् तिबि सेम्ला ज्याङ्नि तेर्क्यु, तेमे ङा तिबि सेम्लाङ ति टिनिते ज्यकु। ङा तिबि कन्ज्याक् डिउ तेमे तिबा ङे मि तिबा डिउ।
11
तिबा तेरिक्कि दाक्पि युल्बा तिबाला मोलोपु, तेमे दाक्पि नुक् तिबाला कन्ज्यक् ला ङुसेबा कि सिनिते सिमोगोउ। चिला सिसिन् तिबि नाङनेसुर बोबु टिक्पे तेरिक्कि ङाला ङुस्येक्यु।
12
चिला सिसिन् तिबि क्याबु दिक्पाला ङा काटिन् किउ, तेमे तिबि क्याबु दिक्पा तिला ङा नाम्लाङ् नासाम् मोतोङ्ङु।
13
“साबा” सिसिन् खोकि ङिङ्बा ना तिला साबा जोसुङ्। तेमे ङिङ्बा गाल्निते कोमेछ्येबु गालुप्ति, तोर्नि डप् छालुप् हये।