लिउ १३
1
पिनकि पार्ला हुतुगुप् च्यालम्बा नाम्लाङ च्युङ्सित ।
2
ङो मेसेबुतिवाल डेन किरु मज्ये । चिला सिसिन छ्या माङेबाराङ मिरा चोकि देवा च्येनकि थुतिवाला डेन क्याबु नक ।
3
ख्योङाङ दाक्पुला चोनखाङला तिवातानि टानि वतुप् दगे नासाम तोङ । सिकि तिवाला मेलेवा लाका क्याबु वे ख्योङाङ तिविकि ओङ्बुला वतुप् दगेराङ तिविकि नासाम तोङ ।
4
तेरिककि ज्येन्दिला तेन्दक किसित् । ज्येन्दिकि दासा मुरुक्सित चिला सिसिन श्याम्डेन श्यप् तिवाला क्न्ज्यककि ठिम किउइ ।
5
तिविकि किच्यो तिवाला डेवि च्याम्वा नेसुर थारे ज्यक । खिराङतानि वतुप् तामतिवाला दाक्पि सेम सो । चिला सिसिन कन्ज्यक दाक्पिराङ दुक सिक्याबु वे , "ङा खिराङ्ला नाम्लाङ मोतोङ्गुइ ,खिराङ्ला मोतोङ्गुइ ।"
6
ओरुङ लोदिमु च्युङि। तिकि किसाला जिवा माक्यावा ओरुङ छ्याजिक सि थुकि "चावा कन्ज्यक अरे किटोकिरुप् वे ङा जिवा मिकिउइ । मिकि ङाला काङ कि थुक्यु ?"
7
खिराङ्ला कन्ज्यककि सुङ श्येतुप् ख्यरे अगुवा तिवाला नासाम तोङ , तिविकि किटो तिवाला सेवा कि तिविकि मोवाकि क्षा देन्तुप् कि ।
8
येसु ख्रिष्ट दाङ , दाङ हारिङ ताङ नाम्लाङ चोक्पाराङ हुङ्गुइ ।
9
चिन्दिङ खाले मेलेवा येन्देन तिविकि खिराङ्ला थारे खुन नोडोसित । श्यप्च्यकि ठिम नेसुर थारुप् तिवाला दिकि काङ किटो मिकिउइ , चिला सिसिन अनुग्रह नेसुर जोबु सेम ल्यामु गिउइन।
10
ओरुङ तानि सोवा देपुप् दासाचिक वे , ति नेसुर चिङि दासाला लाका किरुप् तिवाला साब् का नेत् ।
11
चिला सिसिन दिक्पा ताङतोङ्गुप् सिनि गेर्पु नेसुर पालाङ तिविकि ठाक चेङि दासाला खसुङ हिन्सिनाङ तिवि उ्ङ्बु तिवाला सिसिन देतुप् गठे पाङ्ला रेगु नक
12
तिकि किसाला , येशुकिसाङ दाक्पि ठाक नेसुर मितिवाला दाक्पुला च्याक तेरुप् सिनि ग्यासाकि फिला दुक्पा खुर्सुङ ।
13
तुकराङ क्यनि ख्योतानि राङ खाङ्बि फिला गाल्नि ख्योकि मोवाला ओला ।
14
चिला सिसिन ङेराङ तानि नाम्लाङ लुबु ग्यासा मेदुपकि किसाला ओरुङ ता हुङ्गुप् ग्यासाला गुनि वे ।
15
तिकि किसाला , ख्यो नेसुर कन्ज्यकला सोवा तेरुप् सिनि ओरुङ नाम्लाङ जिन्बा तेर्कि , ख्योकि मिन्ला क्ष्या ङेइताङ शोवा तरुपति अरे च्युप्तककि डेलु हिन ।
16
तेमे अरेकि यिगि चिग्ला ल्यामु ताङ किटो किरुपला मेजे । चिला सिसिन दिनक राङ जिन्बा नेसुर कन्ज्यक आला गा किउइ ।
17
खिरे अगुवा तिविकि ओङ दित् का ङेन , चिला सिसिन सिकि चि तेरगबु उगेराङ तिविकि खिरे थुला ल्हेउइ । खिरे उगुवा तिविकि सेम येङि क्यानि खिराङ्ला ल्हासित् , दुक्पा तानि मिन , चिन्दि खिराङला सिनि थकगोबु मेत ।
18
ङेराङ्ला सवाँ कि , चिला सिसिन ओरुङ चेङि ह्रिक्पा वे सिनि तरिक काच्येला ल्यामु क्यानि थार थुसित् सिनि ।
19
हारुङ आला लाका कि सिनि ङा खिराङ्ला सेम्सो तेर्क्यु । तिकि किसाला , ङा खिरे चाला टिबुराङ ग्युर्नि गिउइ ।
20
ता लुगिकि बोबु लुग्जि अरे चावा येशुकि नाम्लाङ मिसिन्बु ना नेसुर शित्पा नेसुर मिजिला खुङ्गुप् शेम येङिकि कन्ज्यककि
21
ख्योकि नावा क्योलुप् सिनि तेरिक्ला छ्या चिसित । कन्ज्यककि मिङाला चिन ताम लिङ्गुप् दानु वे ख्रिष्ट येशुनेसुर तिराङ किसा । ख्योलाराङ नाम्लाङ मोवा वसित । आमेन ।
22
ता नुक तिवा , दि देम्सोकि सुङ तिवाला ङेदा सिनि ङा खिराङला सेम्सो तेर्क्यु , चिन्दि ङेकि खिराङ्ला थाक ङिमुला टिबु वे ।
23
अरे नुक तिमोथिला सेङे जोबु वे सिनि खिराङ्ला क्षा वोसित । हुतुङराङ ति टिबुराङ लेप्सिन ङा खिराङ्ला ति तानि थोङुइ ।
24
ख्यरे तेरिक् मोवा किरुप् ताङ् लाम् गमा किरुप् तिवाला श्युताङ् श्युसा । इटालियाकि तिवि खीराङ्ला श्युताङ् ताङ्गुप् वे।
25
खिराङ् तेरिक् तानि कार्टिन् देसित्।