लिउ १०
1
चिला सिसिन ठिम ता हुङुप् यक् तिबि रिप्च्याङ् क्याजिक् हिन। ति खोरुङ्राङ् हतुप् यक् तिबाति मिन्। छ्योने तिबिकि ल्होरिटाङ् तेरुप् जिन्बा तिबिकि कन्ज्यक् कि चाला डप्ला नाम्लाङ् ख्योला माक्या।
2
मिन्सिया खाङ् ‘ जिन्बा तेरिक् मिकिऊ मिन् र? तिनक् च्युङ्ङु हिन्सिया, स्वाबुलुप् तिबा ख्येप्तङ्मा चेङ्ङे डिउ।
3
तेमे ति जिन्बा तिबिकि ल्होरि टाङ् दिक्पा तिबाला नासम् तोङ्जिक्यु।
4
चिला सिसिन् लाङ् ताङ् साबु तिबिकि टाक् थनि दिक्पा क्युरुप मुथूपु।
5
ख्रिष्ट जाम्बुलिङ्ला लेप्सिमा, खोकि सासुङ्, “ख्यरेकि बुल्वा ताङ् जिन्बा तिबाला माचाल्, हिन्सिनाङ् ख्यरेकि ङाला सिनि जुबु ज्यिक् टेगे जोनि बिदु वे।
6
“दिक्पि कला ना जिन्बा तिबा तिवा, ना वुल्वा तवा ना खाङ्बि जिन्बाराङ् ख्यरेकि लाङ्सुङ्, ना ति सामा तिबा नेसुर ख्योरुङ्ला नोछिम्सुङ्।“ तेरिक् खाङ्बि जिन्बा ना ज्यान् जिनबानेसुर ख्योरुङ् गा क्यासुङ्।"
7
तेमे ङेकि साबिन, तेप् तिबाला ङे कला टिबु दगेराङ् ख्यरे सेम्कि ताम क्याल्नि तेरुप्ला ङा दया हये।"
8
खोकि तङ्ला सासुङ्, “दिक्पि कला ना जिन्बा तिबा तिवा, ना वुल्वा तवा ना खाङ्बि जिन्बाराङ् ख्यरेकि लाङ्सुङ्, ना ति सामा तिबा नेसुर ख्योरुङ्ला नोछिम्सुङ्।“ (दिवानि टिम् नेसुर बुल्ग्यु),
9
तेमे खोकि सासुङ्।“ ल्होसा, ङा खरे सेमक्याबु दगेराङ् किरुप्ला लेपिन्।“ ज्यार्मा याक् किरुप्ला खो कि तङ्ङि यक्ला सिदा किउ।
10
ज्यार्मा ङिवा यक्ला देम्नेसुर नाम्लाङ्ला सिनि येशु ख्रिष्ट कि मिजि जिन्वानेसुर ओरुङ् खोकिति गालुप् हये।
11
ज्यार्माला, तेरि छ्योला खामु तिबा ङिमिटाङ् कन्ज्यक् कि यक किरुप्ला टेगे देक्यु। तिकि नाम्लाङ् च्यिक्पाराङ् जिन्बातिब बुल्ग्यु, तिकि किसा दिक्पा तिवा नाम्लाङ् मोडोउ।
12
ज्यार्मा छ्यला ख्रिष्ट कि दिक्पि कला सिनिते जिन्वा वुल्नि खो कन्ज्यक् कि लाक्पा यावा छ्यला देनि हये।
13
खो कि डा तिबाला दक्पि तिङ्बि हक्ला माजोबा साक् खो गुनिते देक्यु।
14
चिला सिसिन् खोकि जिन्बा तिबा चिथक् नेसुर राङ् कन्ज्यक् दाक्पु तेरिक् विन्दुप् तिवा नाम्लाङ् ला सिनि ल्यामु(चेङ्ङे) खाङेबा म्यातुप् जोबु हये।
15
तेमे थु चेङ्ङे कि ओरुङ्ला हतुप् ताम् तिबा सिउ। चिला सिसिन् खोकि तङ्ला सासुङ्,
16
”ङे कि खिराङ् तानि कितुप् ना. दिराङ हिन्, ति ङिमा तिबा तिङ्ला, कन्ज्यक् सिउ। खिरे सेम्ला ङा, ङे ठिम् तिबा ज्याङ्नि तेर्क्यु, तेमे खिरे ङिङ्लाङ् टिनिते तेर्क्यु।
17
ङा खिरे मेलेबा यक् तिबा सेम्ला नाम्लाङ् मज्यकु।“
18
ता तिबा तेरिक् ताम् तिबा पिताङ् तेर्क्यु, त्या दिक्पाला सुन जिन्वातिबा मोगोउ।
19
दिकि किसाला, नुक् तिबा, ओरुङ् तानि येशुकि टाक्नेसुर तेरिक् सिना चेङ्ङे दासाला स्युकिला ङार हये।
20
गोयाल् ताङ् खोकि मिनि ति नेसुर खोकि ओरुङ्ला सिवा ताङ सेम्बु लाम पेनिते बिदुप हये।
21
कन्ज्यक् कि खाङ्बाला ओरुङ्तानि छ्योने गेर्पु हतुप् कि किसाला
22
अरे सेम्गि मेलेवा रिक्पा तिबाला (छिट्काउ) नेसुर जुबुला छ्युचेङ्ङे थनि टुनि मोवाकि तेरिक् ङाऽटेङ् क्यानि ओरुङ् चेङ्ङे ङिङ् खुर्निते चाला डि।
23
अरेकि लाबु रेत्पा ति राबु क्यानिते रनिते ज्यगि, चिला सिसिन ना केलुप् कन्ज्यक् ति रेत्पा कि थुपु हये।
24
अरेकि च्यिगि च्यिक्ला ङिङ्जे ताङ् यक् ल्यामु तिबिकि च्युक् क्यानिते सेम्सो किरुजा सिरु ताम् कला नासाम् तोङ्।
25
ओरुङ् ओरुङ् जोबु ति मोतोङ्, ज्यातिबिकि ताङ्ङु दगे। ति दिना ङिमा चालाराङ् हबुकि किसाला च्यिग्यि च्यिक्ला थूथू साङ् आला सेम्सो कि।
26
दिजो हुतुङ् कि ताम् तिबा ङेनिसाङ् ओरुङ् छ्याङेनिसाङ् दिक्पा कि दे;सिन्। दिक्पा कला जिन्वा चिन्दिङ् मुलुउ।
27
तिकि दासाला, टिम् कि जवालाङ्दे गुताङ् ताङ् कन्ज्क कि डा तिबाला थाल्जाम् जब ङेर्मिकि जिबालाङ्दे मे हुतङ्ङि ति क्याज्कि गिउ।
28
मोशा कि ठिम् म्येङेदुप् सुसाङ् मेरो ङि ताङ् सुम् हुतुङ्कि ताम् सिरुप तज्येला ङिङ्ज्ये मेताङ् सिउ।
29
कन्ज्यक्ला विदुप् तिम् कि ताक्ला ङ्यक्च्यु जब ताङ् ओङ्ज्यन् कि थूला माच्योक् किरुप् तिविकि तिसिना चोआला ङेकिताङ्।
30
चिलासिसि दुक् सिरुप तिरुप तिबाला ओरुङ् ङुस्येक्यु, “ङयार्मा लकुप् यक ङे ति हिन्, ङा ङायार्वा लकुप”
31
सेन्बु कन्ज्यक् कि लाक्पा स्योरुप् जिवालाङ् देताप् हिन्।
32
तेमे ख्यरेकि टाक ङेसिमा साङ् आला दुक्पा ङेसिमा च्युक्यानिते जेतु ति तङ्ङि ङिमातिवाला नासाम् तोङ्।
33
खिराङ् तेरिक् मि तिवि दङ्ला माच्याक ताङ् छ्युम्दुर क्यानि तेन्ताङ् जाइ, तेमे तिराङ् तुज्ये तुज्ये खुरुप् तिवा खिराङ्याङ् हिन्।
34
चिला सिसिन उम्निते हतुप् तिबाला खिरेकि ङिङ्ज्ये छ्यातेन्सुङ्। दाक्पि ग्यिज्या तिबा टक्किराङ् तिला जोल्मुक्यानि जेसुङ्। ति छ्याङेनि खिराङ् तानि दि सिना ल्यामु ताङ् नाम्लाङ् दाक्पि तिराङ् ग्यिज्ये हये।
35
तिकि किसाला, दाक्पि दिराङ् किउ सिक्बु रेत्पाला तोर्माजि, तिकिदि बोबु रेत्पा हये,
36
तिबाला गुताङ् कि गोक्यु। तिकि किसाला कज्यक् कि तिवाला खाङ् दि ना क्यालुप् हये, खोकि साबु दगे क्यासिमा ति ङेक्यु।
37
”चिला सिसिन उकुरजिक्ला हुङिन् किरुप् ति, खो च्युक्यानिसाङ् गिउ तेमे मिमु मिकिउ।
38
ङे दिक्पा मेतुप् तिबा रेत्पा नेसुर मिजि क्योङ्ङु, ति तिङ्ला ग्युरसिन् डा ति ता नि गा मिकिउ."
39
हिन्सिना ओरुङ् ना डप् तिबा मिन्, तिबा नातोङ्प् छ्यला ग्युर्क्यु। तिसिना अरे थुला सेन्बुराङ् ज्यकुप् तिबि नाङ्ङिति दगे कि।